Malnutrisyon
An malnutrisyon nangyayari kun an organismo nakakakua nin kadikit o kadakol na sustansya, na nagreresulta sa mga problema sa salud.[11] Espesipikalmente, ini "sarong kakulangan, labilabi, o bakong balanseng enerhiya, protina asin iba pang sustansya" na bakong paborable an epekto sa mga tisyu asin porma kan hawak.[12] Dai nagreresibi an malnutrisyon nin tamang sokol nin sustansya. Naglalangkaw an malnutrisyon sa mga aki na nasa edad na lima huli sa mga parasustento na dai kayang bakalon o mayo nin akses sa bastanteng nutrisyon.[13]
| Malnutrisyon | |
|---|---|
 | |
| Sarong aking kulang sa pagkakan sa MSF treatment tent sa Dolo Ado. | |
| Espesyalidad | Critical care medicine |
| Mga sintomas | Mga problema sa pisikal o mental na pagtalubo; maluyang lebel nin enerhiya; kawàran nin buhok; hubagon na tabay asin abdomen[1][2] |
| Mga kawsa | Pagkakan nin diet na igwa nin kadikit o kadakol na nutrisyon; malabsorption[3][4] |
| Mga panganib | Lack of breastfeeding; gastroenteritis; pneumonia; malaria; measles; poverty; homelessness[5] |
| Paglikay | Pagpaurog sa kaugalian sa agrikultura; pag-ina sa pagtios; pagpaurog sa sanitasyon |
| Pagtrato | Pinaurog na nutrisyon; supplementation; ready-to-use therapeutic foods; pagbulong sa nakapairarom na kawsa[6][7][8] |
| Prekwensiya | 821 million undernourished / 11% of the population (2017)[9] |
| Mga nagadan | 406,000 from nutritional deficiencies (2015)[10] |
Sarong kategorya an malnutrisyon nin mga helang na kaiba an undernutirion asin overnutrition. An undernutirion iyo an kakulangan nin mga sustansya, na pwedeng magresulta sa pandak na pagtalubo, pagkasayang, asin kulang sa timbang. An sobrang nutrisyon nagtutulod nin labi-labing sustansya, na pwedeng magresulta sa obesity. Sa ibang nagpoprogreso pa sanang mga nasyon, an overnutrition sa porma nin obesity nagpopoon na lumataw sa laog kan parehong mga komunidad bilang undernutirion.
