1917 (фільм)
«1917» — мастацкі фільм брытанскага рэжысэра Сэма Мэндэса паводле ягонага сцэнара, напісанага пры ўдзеле Кірсьці Ўілсан-Кэрнз. Прэм’ера ў ЗША адбылася 25 сьнежня 2019 году. Выхад у пракат у Вялікабрытаніі з 10 студзеня 2020 году[5].
1917 | |
| 1917 | |
 | |
| Жанр | ваенны фільм[d] і драматычны фільм[d] |
|---|---|
| Рэжысэр | Сэм Мэндэс |
| Сцэнарыст | Сэм Мэндэс Кірсьці Ўілсан-Кэрнз |
| Прадусар | Піпа Гарыс Калам Макдугал Сэм Мэндэс |
| У ролях | Дзін-Чарлз Чапмэн Джордж Маккей Бэнэдыкт Камбэрбэтч Колін Фэрт Рычард Мэдэн |
| Кампазытар | Томас Ньюман |
| Апэратар | Роджэр Дыкінз |
| Мантаж | Міленя Фэдлер Рафал Лістапад |
| Вытворчасьць | Amblin Partners Neal Street Productions Universal Pictures |
| Распаўсюд | Universal Pictures |
| Дата выхаду | 2019 |
| Працягласьць | 119 хвілін[1] |
| Краіна | .svg){kind=small} Вялікабрытанія |
| Мова | ангельская |
| Бюджэт | $90 млн[2] |
| Прыбытак | $16,7 млн[3][4] |
| Старонка на IMDb | |
| Афіцыйны сайт | |
Сюжэт
Увесну 1917 году брытанская армія плянуе наступ на Лінію Гіндэнбурга. Двое маладых салдат Блэйк і Скофід у амаль нерэальныя тэрміны павінны прынесьці на перадавую загад аб адмене атакі, інакш батальён з 1600 салдат патрапіць у пастку. Для Блэйка тое заданьне вельмі важнае, бо ў тым батальёне служыць ягоны брат[6].
Акторы
- Дзін-Чарлз Чапмэн[7] — малодшы капрал Блэйк
- Джордж Маккей[7] — малодшы капрал Скофілд
- Марк Стронг[5] — капітан Сьміт
- Эндру Скот[8] — лейтэнант Лэсьлі
- Рычард Мэдэн[9] — лейтэнант Блэйк
- Клэр Дзюбюрк
- Колін Фэрт[9] — генэрал Эрынмор
- Бэнэдыкт Камбэрбэтч[8] — палкоўнік Макэнзі
- Дэніэл Мэйз[5] — сяржант Сандэрз
- Эдрыян Скарбора[5] — маёр Хэпбёрн
- Джэймі Паркер[9] — лейтэнант Рычардз
- Эліёт Бакстэр — шараговы Сынгэр
- Набган Рызван
- Дэніэл Макмілан
- Джордж Верал
- Джэмі Вон
Прэм’ера і крытыка
Сусьветная прэм’ера фільму адбылася 4 сьнежня ў Вялікабрытаніі на адмысловым паказе[10].
На сайце агрэгаваньня рэцэнзіяў Rotten Tomatoes фільм мае рэйтынг 89%, заснаваны на 285 рэцэнзіях, сярэдні бал 8,4/10. Выснова: «…уражлівае тэхнічнае дасягненьне, 1917 здолеў перадаць акопную натуру Першай сусьветнай вайны з сырой непасрэднасьцю»[11]. Metacritic даў фільму сярэднюю адзнаку 79 з 100, улічваючы меркаваньне 53 крытыкаў, што азначае «шырокае прызнаньне»[12].
Фільм атрымаў шырокае прызнаньне крытыкаў і патрапіў у некалькі сьпісаў найлепшых фільмаў году, сярод іх Бэнджамін Лі (The Guardian), Піт Трэвэрс (Rolling Stone), Тод Макарці (The Hollywood Reporter). Фільм атрымаў таксама мноства ўзнагарод і намінацыяў. Сярод іх — некалькі намінацыяў на «Залаты Глёбус», сярод якіх катэгорыі «Найлепшы фільм» і «Найлепшы рэжысэр». У дзьвюх гэтых намінацыях фільм атрымаў[13] перамогу.
Крыніцы
Вонкавыя спасылкі
- Агляд і крытыка фільму на сайце Роджэра Эбэрта.