1917 (ֆիլմ)

1917 թվականի գարնանը բրիտանական բանակը պլանավորում է հարձակում Գինդենբուրգի գծի վրա։ Երկու երիտասարդ զինվորներ՝ Բլեյքը և Սքոֆիլդը պետք է հասցնեն առաջնային գծերին հարձակման չեղարկման մասին հրամանը, այլապես 1600 զինվորից բաղկացած գումարտակը դարանի մեջ կընկնի։ Բլեյքի համար առաջադրանքը անձնական է դառնում՝ այդ գումարտակում է ծառայում նրա եղբայրը^[7]։

• Դին-Չարլզ Չեփմեն^[8]՝ կրտսեր կապրալ Բլեյք
• Ջորջ ՄաքՔեյ^[8]՝ կրտսեր կապրալ Սքոֆիլդ
• Մարկ Ստրոնգ^[6]՝ կապիտան Սմիթ
• Էնդրյու Սքոթ^[9]՝ լեյտենանտ Լեսլի
• Ռիչարդ Մեդդեն^[10]՝ լեյտենանտ Բլեյք
• Քլեր Դյուբյուրկ՝ Լաուրի
• Քոլին Ֆերթ^[10]՝ գեներալ Էրինմոր
• Բենեդիկտ Քամբերմեչ^[9]՝ փոխգնդապետ ՄաքՔենզի
• Դենիել Մեյս^[6]՝ սերժանտ Սանդերս
• Էդրիան Սկարբորո^[6]՝ մայոր Հեփբյորն
• Ջեյմի Փարքեր^[10]՝ լեյտենանտ Ռիչարդս
• Էլիոտ Բաքսթեր՝ շարքային Սինգեր
• Նաբհան Րիզվան՝ Սեպոյ Ջոնդալար
• Դենիել Մաքմիլոն
• Ջորջ Վերալ
• Ջեմի Վոն

2018 թվականի հունիսին հայտարարվել է, որ Սթիվեն Սփիլբերգի Amblin Partners ընկերությունը պրոդյուսերավորելու է Սեմ Մենդեսի նախագիծը, որի գործողությունը ծավալվելու է Առաջին համաշխարհային պատերազմի տարերին։ Ֆիլմը դարձել է Մենդեսի վերադարձը մեծ էկրան «Սպեկտր» ֆիլմից հետո^[11]։ 2018 թվականի սեպտեմբերին հայտնվել են շշուկներ, որ ֆիլմում մասնակցության համար բանակցություններ է վարում Թոմ Հոլանդը^[12]։ 2018 թվականի հոկտեբերին արտադրական թիմին է միացել օպերատոր Ռոջեր Դիկինսը^[13]։ Ավելի ուշ հայտնի է դարձել, որ Ջորջ ՄաքՔեյը և Դին-Չարլզ Չեփմենը պայմանագիր են կնքել նախագծում գլխավոր դերեր կատարելու համար^[14]։

Լրիվ դերասանական կազմը, որը ներառում էր այնպիսի հայտնի բրիտանական դերասաններին, ինչպիսիք են «Օսկարի» մրցանակակիր Քոլին Ֆերթը, «Օսկարի»-ում առաջադրված Բենեդիկտ Քամբերբեչը, Մարկ Ստրոնգը, «Ոսկե գլոբուսի» մրցանակակիր Ռիչարդ Մեդդենը, Դենիել Մեյսը և Էդրիան Սկարբորոն, հայտարարվել է 2019 թվականի մարտի 28-ին^[8][10]։ Մարտին նաև հաստատվել է երգահան Թոմաս Նյումանի մասնակցությունը^[15]։

Նկարահանումները սկսել են 2019 թվականի ապրիլի 1-ին և շարունակվել մինչև հունիս։ Դեկորացիաների սեթը, որը ներառում էր ֆրանսիական ֆերմայի առարկությունը և խրամատներ, տեղադրվել է Սոլսբերի հարթության վրա գտնվող գյուղում՝ Սթոունհենջից 6 մղոն հեռավորության վրա^[16]։ Դա որոշ խնդիրներ է առաջացրել նկարահանումների անցկացման վայրի համաձայնեցման հետ, քանի որ հնագետները քննադատում էին դա հնարավոր վնասի համար, որը կարող էր լինել շինարարությունների պատճառով։ Իսկ տեղի բնակիչները բողոքներ էին ուղարկում այն ծանրաբեռնությունների պատճառով, որոնք կարող էր կրել տեղի ինֆրակառուցվածքը մեծ նկարահանման խմբի ներկայության պատճառով^[17]։ Նկարահանումների մի մասը անցկացել է Գլազգոյում^[16]։ 2019 թվականի հունիսին Թիս գետի մոտ նկարահանումների ժամանակ, արտադրող խումբը ստիպված էր տեղադրել նախազգուշացնող նշաններ հանգստացողների համար այն բանի մասին, որ մարմինները, որոնք կարող են գտնվել նկարահանումների տարածքի մոտ, իրական չեն։

Առաջին թրեյլերը թողարկվել է 2019 թվականի օգոստոսի 1-ին^[18]։

Սեմ Մենդեսը պատմել է, որ ֆիլմը նկարահանվում էր երկար հատվածներով (մինչև 8-9 րոպե) և մոնտաժն այնպես է արած, որ ֆիլմը մի ամբողջական անբաժան դուբլ երևա^[7][19][20]։

Ֆիլմի համաշխարհային պրեմիերան կայացել է դեկտեմբերի 4-ին Մեծ Բրիտանիայում հատուկ ցուցադրման ժամանակ^[21]։

Rotten Tomatoes կայքում ֆիլմը 89% վարկանիշ ունի, որը հիմնված է 285 գրախոսությունների վրա և 8,4/10 միջին բալ^[22]։

Metacritic-ը տվել է ֆիլմին 100-ից 79 միջին գնահատականը, հաշվի առնելով 53 քննադատների կարծիքները, ինչը նշանակում է «լայն ճանաչում»^[23]։

Ֆիլմը ստացել է քննադատների լայն ճանաչում, և մտել տարվա լավագույն ֆիլմերի մի շարք ցանկեր, որոնց մեջ է Բենջամին Լիինը (The Guardian), Փիթ Թրևերսինը (Rolling Stone) և Թոդ ՄաքՔարթիինը (The Hollywood Reporter)։ Ֆիլմը ստացել է մի շարք մրցանակներ և առաջադրումներ։ Դրանց մեջ են մի քանի առաջադրումները «Ոսկե Գլոբուսի» համար, ներառյալ «Լավագույն ֆիլմ» և «Լավագույն ռեժիսոր» կատեգորիաները։ Երկու անվանակարգերում էլ ֆիլմը հաղթել է^[24]։ Ֆիլմը նաև արժանացել է Ամերիկայի պրոդյուսերների միության մրցանակին գլխավոր կատեգորիայում՝ «Լավագույն ֆիլմ»^[25]։

• Իռլանդացին
• Ամուսնական պատմություն (ֆիլմ, 2019)
• Ջոջո Ճագար
• Մի անգամ Հոլիվուդում
• Փոքրիկ տիկիններ (ֆիլմ, 2019)
• Ֆորդն ընդդեմ Ֆերրարիի
• Մակաբույծ (Ֆիլմ)

• 1917. անխնա ճշմարիտ, իրատեսական և շարունակական Արխիվացված 2022-01-18 Wayback Machine

Վիքիպահեստն ունի նյութեր, որոնք վերաբերում են «1917 (ֆիլմ)» հոդվածին։