1917 (фільм, 2019)
«1917» — брытанская ваенная драма рэжысёра Сэма Мендэса, знятая па яго ўласным сцэнарыі, напісаным у суаўтарстве з Кірсці Уілсан-Кэрнс. Прэм’ера ў ЗША адбылася 25 снежня 2019 года. Выхад у пракат у Вялікабрытаніі — 10 студзеня 2020 года[6], у Беларусі — 30 студзеня 2020 года.
1917 | |
---|---|
англ.: 1917 | |
Жанр | ваенны фільм[d] і драматычны фільм |
Рэжысёр | |
Прадзюсар | |
Сцэнарыст | |
У галоўных ролях |
|
Аператар | |
Кампазітар | |
Кінакампанія | Amblin Partners[d] і Neal Street Productions[d] |
Працягласць | 119 хв. |
Бюджэт | 95 000 000 $[5] |
Зборы | 384 919 389 $[5] і 159 227 644 $[5] |
Краіна | |
Мова | англійская |
Год | 25 снежня 2019[1], 9 студзеня 2020, 16 студзеня 2020, 10 студзеня 2020[1] і 6 лютага 2020[2] |
IMDb | ID 8579674 |
Афіцыйны сайт (англ.) | |
Медыяфайлы на Вікісховішчы |
Сюжэт
Вясной 1917 года брытанская армія плануе наступ на Лінію Гіндэнбурга. Двое маладых салдат Блэйк і Скофід у амаль нерэальныя тэрміны павінны прынесці на перадавую загад аб адмене атакі, інакш батальён з 1600 салдат патрапіць у пастку. Для Блэйка гэтае заданне надзвычай важнае, бо ў тым батальёне служыць ягоны брат[7].
Акцёрскі склад
- Дзін-Чарлз Чэпмэн[8] — малодшы капрал Блэйк
- Джордж Маккей[8] — малодшы капрал Скофілд
- Марк Стронг[6] — капітан Сміт
- Эндру Скот[9] — лейтэнант Лэслі
- Рычард Мэдэн[10] — лейтэнант Блэйк
- Клэр Дзюбюрк
- Колін Фёрт[10] — генерал Эрынмор
- Бенедыкт Камбербэтч[9] — палкоўнік Макензі
- Дэніэл Мейс[6] — сяржант Сандэрс
- Эдрыян Скарбора[6] — маёр Хепбёрн
- Джэймі Паркер[10] — лейтэнант Рычардс
- Эліёт Бакстэр — шараговы Сінгер
- Набган Рызван
- Дэніэл Макмілан
- Джордж Верал
- Джэмі Вон
Прэм’ера і крытыка
Сусветная прэм’ера фільма адбылася 4 снежня 2019 года ў Вялікабрытаніі на адмысловым паказе[11].
На сайце «Rotten Tomatoes» фільм мае рэйтынг 89%, заснаваны на 352 рэцэнзіях. Кансэнсуснае меркаванне гучыць наступным чынам: «Жорсткі, захапляльны і тэхнічна ўражваючы фільм, „1917“ фіксуе акопную вайну Першай сусветнай з халоднай, здзіўляючай непасрэднасцю»[12]. Сайт «Metacritic» даў фільму сярэднюю адзнаку 79 са 100, улічваючы меркаванне 56 крытыкаў[13].
Фільм атрымаў шырокае прызнанне крытыкаў і патрапіў у некалькі спісаў найлепшых фільмаў года, сярод іх Бенджамін Лі («The Guardian»), Піт Трэверс («Rolling Stone»), Тод Макарці («The Hollywood Reporter»). Фільм атрымаў таксама мноства ўзнагарод і намінацый. Сярод іх — перамога на «Залатым глобусе» ў намінацыях «Найлепшы драматычны фільм» і «Найлепшы рэжысёр».
Зноскі
Спасылкі
- 1917 на сайце «Internet Movie Database» (англ.)
- Агляд і крытыка фільма на сайце Роджэра Эбэрта.