Бесарабія

Бесара́бія (малд.: Basarabia, укр.: Бессарабія і радзей Басарабія) — гістарычная вобласць паміж Чорным морам і рэкамі Дунай, Прут, Днестр, усходняя частка гістарычнай Малдовы. Назва (рум.: Ţara lui Basarab — «Зямля Басараба») паходзіць ад імя валашскага ваяводы Басараба I Вялікага (1289—1352, кіраваў з 1310). Па даных Энцыклапедычнага Слоўніка Бракгаўза і Ефрона, у XVI—XVII стагоддзях Бесарабіяй звалі частку цяперашняй Румыніі — (Валахію з Бабадагскай вобласцю па Дунаю),^[1] затым паўднёвую частку міжрэчча Прута і Днестра — Буджак, а пасля 1812 года — усё міжрэчча.