Богаяўленская царква (Жыровіцы)
Богаяўленская царква — праваслаўная царква ў вёсцы Жыровічы Слонімскага раёна.
| Праваслаўны храм | |
| Богаяўленская царква | |
|---|---|
 | |
| 53°00′53,3″ пн. ш. 25°20′45,87″ у. д.HGЯO | |
| Краіна |  Беларусь |
| Вёска | Жыровічы |
| Канфесія | Руская праваслаўная царква |
| Епархія | Навагрудская |
| Архітэктурны стыль | барока |
| Дата пабудовы | 1672 год |
| Асноўныя даты | |
| 1796 — перабудова | |
| Статус |  Гісторыка-культурная каштоўнасць Беларусі, шыфр 411Г000537 |
| Стан | дзейнічае |
 | |
 Медыяфайлы на Вікісховішчы | |
Гісторыя
Богаяўленская царква пабудавана ў 1672 годзе на месцы другога з’яўлення цудатворнай іконы Божай Маці «Жыровіцкая», ў цэнтры манастырскай тэрыторыі. У 1796 годзе храм быў поўнасцю перабудаваны ў стылі барока, разабраны фасад, прыбудаваны прытвор і хоры.
У 1881 годзе пад алтаром царквы пахаваны архіепіскап Мінскі і Бабруйскі Міхаіл (Галубовіч)[1][2].
Архітэктура
Адносіцца да тыпу бязвежавых адназальных храмаў. Галоўны 2-ярусны фасад выходзіць за межы асноўнага аб’ёму. Уражанне вертыкальнай накіраванасці ствараецца паўкалонамі, вязкамі лапатак, крапаваным фігурным франтонам з бакавымі валютамі. Бакавыя фасады вырашаны плоскасна, расчлянёны арачнымі вокнамі ў простых ліштвах. Унутры ў залу храма выступаюць хоры, абмежаваныя ўвагнута-выпуклым парапетам. Пад царквой скляпеністая крыпта.
Зноскі
Літаратура
- «Архітэктура Беларусі. Энцыклапедычны даведнік», Мінск 1993, стар. 214—216.
- Габрусь Т. В. Мураваныя харалы: Сакральная архітэктура беларускага барока / Т. В. Габрусь. Мн.: Ураджай, 2001.— 287 с.: іл. ISBN 985-04-0499-X, с. 193.
Спасылкі
На Вікісховішчы ёсць медыяфайлы па тэме Богаяўленская царква (Жыровіцы)- Богаяўленская царква (Жыровіцы) на сайце Глобус Беларусі (руск.)
- Богаяўленская царква (Жыровіцы) на сайце Radzima.org
- Богаяўленская царква (Жыровіцы) на сайце «Архіварта»
