Пераксід натрыю
Пераксі́д на́трыю, Na2O2 — неарганічнае пераксіднае хімічнае злучэнне, моцны акісляльнік.
| Пераксід натрыю | |
| Агульныя | |
|---|---|
| Хім. формула | Na₂O₂ |
| Тэрмічныя ўласцівасці | |
| Класіфікацыя | |
| Рэг. нумар CAS | |
| PubChem | |
| Рэг. нумар EINECS | 215-209-4 |
| SMILES | |
| RTECS | WD3450000 |
| ChemSpider | |
Бясколернае крышталічнае рэчыва, растваральнае ў вадзе і этаноле. Тэхнічны пераксід натрыю мае жаўтаваты колер. Шчыльнасць 2,6 г/см³[1]. Пры награванні да тэмпературы вышэй 300 °C (311—400 °С[2]) раскладаецца з вылучэннем кіслароду. Бурна раскладаецца пры тэмпературы вышэй за 540 °С[2].
Пажаранебяспечны ў прысутнасці арганічных рэчываў[2].
Атрыманне
Пераксід натрыю атрымліваюць акісленнем расплаўленага натрыю кіслародам (ачышчаным ад вуглякіслага газу і вільгаці паветрам).
Выкарыстанне
Выкарыстоўваецца пры рэгенерацыі паветра (на падводных лодках, у дыхальных прыборах). Водны раствор выкарыстоўваецца пры адбельванні тканін, паперы, воўны, шоўку. У аналітычнай хіміі пераксід натрыю выкарыстоўваецца для пераводу тугаплаўкіх аксідаў у растваральны стан[2].
Зноскі
Літаратура
- Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
Спасылкі
- Натрия пероксид // XuMuk.ru (руск.)
- Натрия пероксид // XuMuk.ru (руск.)
На Вікісховішчы ёсць медыяфайлы па тэме Пераксід натрыю
