Сухое малако

Сухое малако — растваральны парашок, які атрымліваецца высушваннем нармалізаванага пастэрызаванага каровінага малака. Звычайна разводзіцца ў цёплай вадзе і ўжываецца ў якасці напою, пры гэтым захоўвае шматлікія карысныя ўласцівасці свежага пастэрызаванага малака. Мае шырокае прымяненне ў кулінарыі. Уваходзіць у склад шматлікіх відаў дзіцячых малочных сумесяў.

Класіфікацыя

Сухое малако бывае суцэльным ці абястлушчаным. Гэтыя дзве разнавіднасці сухога малака адрозніваюцца працэнтным утрыманнем рэчываў.

	Суцэльнае	Абястлушчанае
Тлушчы (%)	25	1
Бялкі (%)	25,5	36
Малочны цукар (%)	36,5	52
Мінеральныя рэчывы (%)	9	6
Вільготнасць (%)	4	5
Каларыйнасць на 100 гр.	2300 кДж (549,3 кал)	1567 кДж (373 кал)

Тэрмін захоўвання сухога суцэльнага малака менш чым абястлушчанага, так як тлушчы схільныя да псавання - з'ялчэння. Яно павінна захоўвацца пры тэмпературы ад 0 да 10 °C і адноснай вільготнасці паветра не вышэй 85% да 8 месяцаў з дня выпрацоўкі.

Спасылкі

На Вікісховішчы ёсць медыяфайлы па тэме Сухое малако