Firenze
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
Firenze a zo ur gêr ag Italia, kêrbenn Toskana ha pennlec'h he froviñs (417 386 annezad). En Italianeg ez eo anvet "Firenze" [fiˈrɛntse] ("Fiorenza" zo ur stumm dispredet), hag e latin : "Florentia"). Bet eo bet kêrbenn gentañ Italia pa oa bet unanet ar vro en ur rouantelezh e 1865. Brudet-tre eo Firenze diwar ar monumantoù hag an oberennoù-arz savet e-pad an Azginivelezh a zo bet gwelet an elfennoù kentañ enni.
| Firenze | |
|---|---|
 En argant e flourdilizenn Firenze en gul | |
 Ponte Vecchio, ar Pont kozh | |
| Riez | Italia |
| Rannvro | Toskana |
| Kod post | 50 100 |
| Kod pellgomz | (39) 55 |
| Maer | Dario Nardella (PD) (2014) |
| Gorread | 102 km² |
| Hed | 11° 15′ 0′′ R |
| Led | 43° 47′ 0′′ N |
| Uhelder | keitat: 50m |
| Poblañs hep kontoù doubl | 368 059 (2004) |
| Stankter | 3 453 a./km² |
Istor
Krouet eo bet Firenze (latin : Florentia) gant ar Romaned e 59 kent Jezuz-Krist, war riblennoù ar stêr Arno. Betek an XIIvet kantved, ne oa nemet ur gêriadenn ha da c'houde eo bet kresket e nerzhioù armerzhel gant ar c'henwerzh hag ar gwiaderezh ken e teuas pinvidik-tre er XVvet ha er XVIvet kantved. Ur republik vihan evel ma oa kalz anezho en Italia eo bet er Grennamzer, met e 1539 e voe krouet dugelezh-veur Toskana, Firenze e gêrbenn. An duged-veur eus an tiegezh Medici, ar re-se ar pennoù uhelañ goude 1434, o-deus dispignet kalz evit ma vo savet oberennoù arzel eus ar re gaerañ. E-touez savadurioù pennann ar gêr emañ iliz San Miniato al Monte (1018), iliz Santa Maria Novella, iliz Santa Croce (ar Groaz Santel), Iliz-Veur Santez Maria ar Bleunioù (il Duomo, ur goupolenn ijinet gant ar savour Filippo Brunelleschi) warni. E pep korn a'r gêr e c'heller gwelout oberennoù-arz Giotto, Donatello, Fra Angelico, Cimabue, Piero della Francesca ha Michelangelo Buonarotti.
War vihanaat e oa aet pouez Firenze betek mare unanidigezh ar riez italiat ha pa oa deuet Roma da vezann kêrbenn Italia e 1870. Sez Levraoueg vroadel Italia a zo chomet enni.
Tud dibar
- Dante Alighieri
- Bocaccio
- Ken Laszlo
- Lorenzo de' Medici (1449-1492), den a stad
- Amerigo Vespucci (1454 e-kichen Firenze, 1512), merdeer
- Leonardo Da Vinci (1452-1519), livour, ijinour, gouizieg
- Niccolò Machiavelli (1469-1527), denelour
Gevelladennoù
Echedourien ganet e Firenze
- Clarice Benini, mestrc'hoarierez echedoù,
- Sergio Mariotti, mestrc'hoarier echedoù,
- Stefano Rosselli del Turco, mestrc'hoarier echedoù.