翡冷翠(意大利文:Firenze,又譯佛羅倫斯)係意大利陀斯卡拿大區同翡冷翠省嘅首府,響亞平寧半島北面,係出名嘅歷史文化名城。
翡冷翠係文藝復興時期重要嘅文化中心,亦都係金融城市。喺十九世紀佢重曾經係意大利首都,到咗1871年先至轉咗去羅馬。
翡冷翠擁有大量嘅歷史建築同埋博物館,同時間唔少文藝復興時代名人都係喺呢度出咗名,好似達文西、但丁、米高安哲羅等等。