फ्लोरेन्स

फिरेंत्से किंवा फ्लोरेन्स (इटालियन: Firenze, उच्चार ) ही इटली देशाच्या मधील तोस्काना प्रदेशाची राजधानी व सर्वात मोठे शहर आहे. फ्लोरेन्स शहराची लोकसंख्या सुमारे ३.७ लाख तर महानगर क्षेत्राची लोकसंख्या १५ लाख आहे.

फिरेंत्से (फ्लोरेन्स) Firenze
इटलीमधील शहर
चिन्ह
फिरेंत्से (फ्लोरेन्स) फिरेंत्से (फ्लोरेन्स)चे इटलीमधील स्थान
गुणक: 43°47′N 11°15′E / 43.783°N 11.250°E / 43.783; 11.250
देश	इटली
प्रदेश	तोस्काना
स्थापना वर्ष	इ.स. पूर्व ८०
क्षेत्रफळ	१०२.४ चौ. किमी (३९.५ चौ. मैल)
समुद्रसपाटीपासुन उंची	१६४ फूट (५० मी)
लोकसंख्या
- शहर	३,७०,७०२[१]
- घनता	३,६२० /चौ. किमी (९,४०० /चौ. मैल)
प्रमाणवेळ	मध्य युरोपीय प्रमाणवेळ
comune.firenze.it

ऐतिहासिक काळापासून फ्लोरेन्स हे इटली व युरोपामधील कला व संस्कृतीचे माहेरघर मानले गेले आहे. विशेषतः मध्ययुग व रानिसां काळांत चित्रकला, शिल्पकला व वास्तूशास्त्र ह्या विषयांमध्ये फ्लोरेन्सचे योगदान अमुल्य मानले जाते. सर्वानुमते रानिसांचा उगम फ्लोरेन्स येथेच झाला. मध्ययुगात व्यापार व अर्थकारणारे केंद्र असलेले फ्लोरेन्स हे त्या काळात जगातील सर्वात महत्त्वाच्या व श्रीमंत शहरांपैकी एक होते.^[२][३] रानिसां दरम्यानच्या फ्लोरेन्सच्या प्रजासत्ताकाची फ्लोरेन्स ही राजधानी होती.

येथील ऐतिहासिक वास्तूंमुळे फ्लोरेन्स हे जगातील सर्वात सुंदर शहरांपैकी एक मानले गेले आहे व युनेस्कोचे जागतिक वारसा स्थान आहे. फ्लोरेन्समध्ये अनेक कला दालने व संग्रहालये असून येथे दरवर्षी अंदाजे १५ लाखापेक्षा अधिक पर्यटक भेट देतात.