Gweriniaeth Catalwnia (2017)
Sefydlwyd Gweriniaeth Catalwnia (Catalaneg: República Catalana, Sbaeneg: República Catalana, Ocsitaneg: Republica Catalana) gan Lywodraeth Catalwnia ar 27 Hydref 2017.[1][2][3] Fe'i sefydlwyd yn dilyn pleidlais o dros 90% o blaid annibyniaeth yn Refferendwm ynghylch annibyniaeth Catalwnia 2017. Roedd y refferendwm yma'n anghyfreithlon yn ôl Llywodraeth Sbaen, ac nid yw wedi cydnabod Gweriniaeth Catalwnia.[4]
| |||||
| Arwyddair: | |||||
| Anthem: Els Segadors "Y Cynaeafwyr" | |||||
 | |||||
| Prifddinas | Barcelona | ||||
| Dinas fwyaf | |||||
| Iaith / Ieithoedd swyddogol | Catalaneg, Ocsitaneg, Sbaeneg ac Araneg | ||||
| Llywodraeth | Gweriniaeth | ||||
| Carles Puigdemont | |||||
| Cyhoeddiad o Annibyniaeth | 27 Hydref 2017 | ||||
| Arwynebedd - Cyfanswm - Dŵr (%) | 32108 km² (55ed) 8.67 | ||||
| Poblogaeth - Amcangyfrif 2006 - Cyfrifiad 2016 - Dwysedd | 7,522,596 (85ed) 7,522,596 -/km² (-) | ||||
| CMC (PGP) - Cyfanswm - Y pen | Amcangyfrif - $336.162 (-) - (-) | ||||
| Indecs Datblygiad Dynol (-) | - (-) – - | ||||
| Arian cyfred | Ewro (€) (EUR) | ||||
| Cylchfa amser - Haf | CET (UTC+1) CEST (UTC+2) | ||||
| Côd ISO y wlad | .se1 | ||||
| Côd ffôn | ++34 93 (Barcelona) | ||||
| 1 Hefyd .eu | |||||
O fewn hanner awr i Lywodraeth Catalwnia wneud Datganiad o Annibyniaeth, gosododd Senedd Sbaen Erthygl 155 o Gyfansoddiad Sbaen mewn grym a diarddelwyd (neu diswyddwyd) prif swyddogion y Llywodraeth a diddymwyd Llywodraeth Catalwnia gan Mariano Rajoy gan alw Etholiad Cyffredinol Catalwnia, 2017. Mewn ymateb i hyn, dywedodd Arlywydd Catalwnia, Carles Puigdemont, mai dim ond Llywodraethau all ddileu neu ddiarddel llywodraethau, mewn democratiaeth. Galwodd hefyd ar Gatalaniaid i wrthsefyll yn heddychlon cynlluniau Sbaen i weithredu Erthygl 155.
Wedi'r Datganiad o Annibyniaeth, a datganiad gan Carles Puigdemont yn sefydlu Gweriniaeth Catalwnia, dechreuodd llywodraeth Sbaen weithredu yn erbyn yr ymgyrch dros annibyniaeth ac yn erbyn Llywodraeth catalwni; ni chodwyd dwrn yn eu herbyn mewn unrhyw fodd.[5][6] Trodd Puigdemont aa nifer o'i Gabined yn alltud i Wlad Belg gan fod gwys i'w herlyn ym Madrid wedi'i gyhoeddi. Y cyhuddiadau yn eu herbyn gan y Twrnai Cyffredinol oedd: gwrthryfela, annog gwrthryfel (sedition) a lladrad ('lladrad'[7]) [8][9][9] drennydd, datganodd llys yn Sbaen fod y Datganiad o Annibyniaeth wedi'i ganslo.[10] Arestiwyd 9 o aelodau o Weriniaeth Catalwnia ar 2 Tachwedd a chyhoeddwyd gwarant Ewropeaidd i arestio Puigdemont a phedwar arall nad oeddent wedi mynd i'r llys.[11][12]
