Édouard Caillau
Édouard Caillau, okzitaniera arautuan Calhau,[1] (Biarritz 1924ko martxoaren 1a - Biarritz? 1990eko martxoaren 15a) euskal aktore eta umorista zen; adopzioz belgikartzat jotzen da sarritan, hala ere jaiotzaz eta beste arlo batzuetan hiri lapurtarrarekin harreman zuzena izan zuen.
| Édouard Caillau | |
|---|---|
_(cropped).jpg) | |
| Bizitza | |
| Jaiotza | Biarritz, 1924ko martxoaren 1a |
| Herrialdea |  Lapurdi, Euskal Herria |
| Lehen hizkuntza | frantsesa |
| Heriotza | 1990eko martxoaren 15a (66 urte) |
| Hezkuntza | |
| Hizkuntzak | frantsesa |
| Jarduerak | |
| Jarduerak | aktorea |
  | |
Bruselako Gaity
Adopzioz belgikarra dela esan ohi da Bruselako Le Gaity edo Chez Paul au Gaity izeneko kabareteko animatzailea izan zelako eta bertan, bereziki Schaarbeek aldiriko udalerrian, urte luzeetan (40tik gora[2]) bizi izan zelako.
Théâtre de la Gaîté izenekoaren sotoetan zegoen agertoki hori; antzokiarekin batera ateak itxi zituen behin betiko 1982ko ekainean arrazoi ekonomikoengatik.
Édouard Caillau lokalaren animatzailea izan zen; 1970eko hamarkadan RTB telebista publikoan ematen zen Chansons à la carte saioan askotan agertzeak famatu bihurtu zituen bai bera bai kabareta. Madame la Baronne de la Tronche en Biais ezizena hartzen zuen Sim aktorearekin egiten zituen duo komikoak Henri Segersen agindupean.
Belgikan saritu zuten 1990ean (ikus 3. erreferentzia); 1988an meritu nazionaleko frantses domina ere eman zioten[3]
Filmografia
Filmak
- 1969: Bruno, l'enfant du dimanche[4]. Zuzendaria: Louis Grospierre.
- 1971: Franz. Zuzendaria: Jacques Brel.
- 1973: Le Far-West[5][6]. Zuzendaria: Jacques Brel.
Telebistarako
- 1962: L'escarpolette, minitelesaila.
- 1970: Musique s'il vous plaît sailaren lehen episodioa, maiatzaren 26koa. Umorezkoa.
Biarritz gogoan
1959tik Biarritz Brusela ondoko Elsene[7] udalerriarekin senidetuta dago. Proposamena luzatzen hiru lagunek izan zuten zerikusia: André Dassary kantari biarriztarra (oso arrakastatsua Belgikan), Tony Vanden Bosch (emazte euskalduna zuen Elseneko merkataria) eta Caillau bera, Brusela aldean luzaro bizi izan zena[8]; aktorea azpimarratzen dute bultzada egiteko orduan[9].
Sorterrian badago bere omenezko monumentu xume bat Jean-Baptiste Lassalle plazan, Euskaldunen Kostaldearen gainean Bibi-Beaurivage auzoan; 1992an ezarri zuten[10] eta Christiane Giraud uztariztarrak egina da. Bertako parketxoan aritu ohi zen Sport-boules izeneko jokoan[11]. Édouard Caillau humoriste idatzita dauka eta kirol honetan baliatzen diren bola batzuk ditu barnean.
Erreferentziak
Ikus, gainera
Kanpo loturak
Wikimedia Commonsen badira fitxategi gehiago, gai hau dutenak: Édouard Caillau  |
- (Ingelesez) (Frantsesez) Caillauren lanak IMDb[Betiko hautsitako esteka] edo Internet Movie Databasen.
- (Ingelesez) Canneseko Zinemaldiko bere esku hartze bakarraren fitxa.
- (Frantsesez) Sim lankidearen heriotza francesoir.fr.en.
- (Frantsesez) Rock en Belgique lanean bere argazkia beste batzuen artean.
- (Frantsesez) Gaity kabaretaz kontakizuna.
Datuak: Q939932
Multimedia: Édouard Caillau / Q939932
