Alutiiqera
Alutiiqera (Sugt'stun[1], Alutiiq[1] eta Alutiit’stun[1] ere deitua) Alaskako mendebalde eta hego-mendebaldean hitz egiten den Alaska Erdialdeko Yup’ik hizkuntzaren gertuko ahaidea da. Bi dialekto nagusi ditu:[2]
- Koniag Alutiiqera: Alaskako penintsulako goikaldean eta Kodiak uhartean hitz egiten da; Afognak uhartean ere hitz egiten zen 1964ko Alaskako lurrikaragatik bertako biztanleek alde egin zuten arte.
- Chugach Alutiiqera: Kenaiko penintsulan eta Prince William Sound-en hitz egiten da.
Alutiiqera | |
---|---|
Datu orokorrak | |
Hiztunak | 450 |
UNESCO sailkapena | 4: arrisku larrian |
Hizkuntza sailkapena | |
giza hizkuntza eskimo-aleut hizkuntzak Yupik (en) | |
Informazio filologikoa | |
Hizkuntza-tipologia | hizkuntza eranskaria eta hizkuntza polisintetikoa |
Alfabetoa | latindar alfabetoa eta eskimal alfabetoa |
Hizkuntza kodeak | |
ISO 639-3 | ems |
Ethnologue | ems |
Glottolog | paci1278 |
Linguasphere | 60-ABA-d |
UNESCO | 157 |
IETF | ems |
Endangered Languages Project | 672 |
Alutiiq etniako 3.000 pertsonatik, 400 inguruk hitz egiten dute Alutiiqera oraindik. Gaur egun, Alutiiq komunitateak haien hizkuntza berpizteko prozesuan daude. 2010ean Kodiakeko institutuak ikasleen eskaera bati erantzun zioten eta Alutiiqera irakastea adostu zuten. Kodiakeko dialektoa 50 pertsona inguruk soilik hitz egiten zuten, guztiak nagusiak, eta dialektoa hilzorian zegoen.[3] 2013. urteko irailetik aurrera, Anchorageko Alaska Pacific Unibertsitateak eskolak eskaintzen ditu “Where Are Your Keys?” teknika erabiliz.[4]
Fonologia
Kontsonanteak
Ezpainkariak | Hobikariak | Sabaikariak | Belarrak | Ubularrak | ||||
---|---|---|---|---|---|---|---|---|
Ez-ezpainkarituak | Ezpainkarituak | Ez-ezpainkarituak | Ezpainkarituak | |||||
Herskariak | p | t | k | kw | q | |||
Afrikatuak | t͡ʃ | |||||||
Frikariak | Ahoskabeak | f | s | x | xw | χ | (χw) | |
Ahostunak | ɣ | ɣw | ʁ | ʁw | ||||
Albokariak | ɬ | |||||||
Hurbilkariak | l | j | (w) | |||||
Sudurkariak | Ahoskabeak | m̥ | n̥ | ŋ̊ | ||||
Ahostunak | m | n | ŋ |
Bokalak
Aurrekoak (aitzinekoak) | Erdikoak | Atzekoak | |
---|---|---|---|
Itxiak (goikoak) | i | u | |
Artekoak | ə | ||
Irekiak (behekoak) | ä |
Gramatika
Numeroa
Alutiiqeraz ⟨q⟩ hizkiarekin amaitzen diren izenak singularrak izan ohi dira. Duala ⟨k⟩ hizkiaren bitartez adierazten da, eta plurala, berriz, ⟨t⟩ hizkiaren bitartez. Esaterako, yaamaq (harria) singularra da, yaamak duala, eta yaamat plurala.[2]
Lexikoa
Zenbakiak
Zenbakia | Koniag Alutiiqera | Chugach Alutiiqera[6] | |
---|---|---|---|
Nanwalek eta Port Graham | Chenega | ||
1 | allringuq / allriluq | allringuq | all'inguq |
2 | mal'uk | malruk / mall'uk | atel'ek |
3 | pingayun | pinga'an | |
4 | staaman | ||
5 | talliman | ||
6 | arwilgen | arwinlen | |
7 | mallrungin | mallruungin | maquungwin |
8 | inglulgen | inglulen | |
9 | qulnguyan | qulnguan | |
10 | qulen |
Errusieratik datozen hitzak
Adibide hauek Kodiakeko azpi-dialektoko hitzak dira.[7]
Euskara | Alutiiqera | Errusiera |
---|---|---|
irakasle | uciitilaq | учитель (utxitel) |
gortina | stauʀ`kaaq | штора (xtora) |
lorategi | ak’aʀautaq | огород (ogorod) |
piper | piiʀitsaaq | перец (perets) |
txerri | sitiin`kaaq | свинья (svinia) |
Eguberriak / Gabonak | ʀausistuaq / aʀusistuaq | Рождество (Rozhdestvo) |
sardexka | wiiʀ`kaaq | вилка (vilka) |
eskola | skauluq / skuuluq | школа (xkola) |
ogi | gleipaq | хлеб (khleb) |
gutun-azal | kanweiʀ`taaq | конверт (konvert) |
koilara | lausk`kaaq | ложка (lozhka) |
behi | kaʀauwaq / kuʀuwaq | корова (korova) |