Amaia Irazabal

Psikologian lizentziatu bazen ere Donostiako Arte Eszenikoen Tailerrean antzerki ikasketak egin zituen. 2013tik aurrera antzerkian ari da lanean eta, Eltxoak eta Inor ez dator antzezlanak berak sorturikoak dira.^[2][3] Inor ez dator lanarekin Antzezmotz lehiaketa irabazi zuen gainera.^[4] Ados Teatroarekin ere egin du lan eta Lekord poesia taldeko kide ere bada.^[5] 2015ean Eskamak Kentzen telesailean Malen-en pertsonaia egin zuen.^[1] Hainbat laburmetraietan ere parte hartu du.^[6]

2019ko azaroan Edurne Azkarate, Mikel Ibarguren eta Intza Alkainekin batera Album proiektua sortu zuen.^[7]

2023an Bonbon Beltz taldearekin Gure xaharrak antzezlana taularatu zuten, Maika Etxekopar zuzendaritzapean. . Helduentzako txotxongilo ikusgarriekin egiten dute. Tamaina naturalekoak dira txotxongiloak eta atzetik dute aktore maneiatzaile bana (Ahlam Slama, Battitt Halsouet, Amaia Irazabal bera, Bruno Hollemaert, eta Maika Etxekopar). antzezlana Urtxintx urdinak izeneko zahar etxean kokatuta dago, bertan giroa elektrikoa da. Langileak egoitzaren 50 urteen ospatzeko besta handi bat prestatzen ari dira, Osasun Inspekzioak abisatu gabeko bisita bat abiatuko duelarik, artatzaile taldearen baitan ezinegona eta sentikortasuna areagotzen dira…^[8][9]

Telebistan

• Eskamak Kentzen (2015)
• Alardea (2020)

Antzerkian

• Monsieur Jourdain (2013)
• Beldurra (2014)
• Sokak (2015)
• Eltxoak (2015)
• Zizarearen bidaia (2015)
• Read Earth Revisited (2016)
• Arpa majikoa (2016)
• Ladydi Garcia (2016)
• Último tren a Treblinka (2017)
• Inor ez dator (2017)
• Hasten Slowly (2017)
• Käffka (2018)
• Oilar bat dago zure teilatuan (2019)
• Gure zaharrak (Bonbon beltz, 2023)

Laburmetraiak

• Parafilia (2013)
• Cinco horas con María (2014)
• El aspirante (2014)
• Katemotzak (2014)
• Leihotik (2016)
• Maria (2017)
• Edonork ez luke (2018)
• Erroak (2018)