Aminata Sophie Dièye
Aminata Sophie Dièye (Thiès, 1973 – Dakar, 2016ko otsailaren 17a), Aminata Zaaria eta Ndèye Takhawalou izengoitiz ere ezaguna, senegaldar idazle, aktore eta kazetaria izan zen.
| Aminata Sophie Dièye | |
|---|---|
| Bizitza | |
| Jaiotza | Thiès, 1973 |
| Herrialdea |  Senegal |
| Heriotza | 2016 (42/43 urte) |
| Hezkuntza | |
| Hizkuntzak | frantsesa |
| Jarduerak | |
| Jarduerak | idazlea, aktorea eta kazetaria |
Bizitza
1973an jaio zen Thièsen[1]. Zerga-ikuskatzaile baten alaba naturala zen eta amak hezi zuen. 21 urte zituela, Ngor uhartera joan zen bizitzera eta Sud Quotidien egunkarian lan egiten hasi zen[2].
Bere bizitzan zehar, Aminata Sophie Dièyek Sud Quotidien, Le Cafard Libération eta L'Observateur egunkarietan idazten jarraitu zuen. L'Observateur eginkarian, Ndèye Takhawalou izengoitia hartu zuen[2].
Senegalgo Musika, Dantza eta Antzerki Kontserbatorio Nazionalean ikasi zuen eta 2002an debuta egin zuen antzerkian, Consulat zénéral komedian[2]. Frantziarako bisatuaren bila zebilen emakume zahar analfabeto baten papera egin zuen. Afrikako bost herrialdetan eta Frantzian antzeztu zen komedia hori[3][4][5].
2004an, La Nuit est tombée sur Dakar eleberria argitaratu zuen Aminata Zaaria izengoitia erabiliz[6][7].
2005ean, senarra hil zitzaion, minbiziak jota[8].
Aminata Sophie Dièye 2016ko otsailaren 17an hil zen Dakarren, diabetesaren ondorioz[8].
Sariak
Lanak
Liburuak
- La nuit est tombée sur Dakar (2004)
- La putain amoureuse d'un pèlerin juif (2007)
Filmografia
| Urtea | Izenburua | Pertsonaia |
|---|---|---|
| 1998 | La Petite Vendeuse de soleil | |
| 2006 | Lili et le Baobab | Aminata Ly |
Erreferentziak
Kanpo estekak
Datuak: Q19267172
