Andrei Kolesnikov (jenerala)
Andrei Borisovitx Kolesnikov[1] (errusieraz: Андрей Борисович Колесников)[2] (Oktiabrskoie, Sobietar Batasuna; 1977ko otsailak 6 – Mariupol, Ukraina; 2022ko martxoak 11) Errusiako maior jeneral bat izan zen, Errusiaren Ukrainako inbasioaren testuinguruan hildakoa.
| Andrei Kolesnikov (jenerala) | |
|---|---|
 | |
| Bizitza | |
| Jaiotza | Oktiabrskoie, 1977ko otsailaren 6a (47 urte) |
| Herrialdea |  Sobietar Errepublika Sozialisten Batasuna (1977 - 1991) Errusia (1991 - 2022) |
| Hezkuntza | |
| Heziketa | Kazango Tankeen Aginteko Goi Eskola Errusiako Federazioko Indar Armatuetako Arma Konbinatuen Akademia Errusiako Indar Armatuen Estatu Nagusiaren Akademia Militarra |
| Hizkuntzak | errusiera |
| Jarduerak | |
| Jarduerak | ofizierra |
| Jasotako sariak | ikusi
|
| Zerbitzu militarra | |
| Adar militarra | Errusiako Lurreko Indarrak |
| Gradua | tanke-indarren maior jenerala |
| Parte hartutako gatazkak | Errusia-Ukraina gerra (2022) |
Biografia
Oktiabrskoien (Voronezh Oblasta, Ukraina) jaio zen 1977ko otsailaren 6, eta Kazango tanke-eskola batean (1999), Errusiako Federazioko Indar Armatuen Arma Konbinatuen Akademian (2008) eta Errusiako Indar Armatuen Estatu Nagusiko Akademia Militarrean (2020) graduatu zen. 2010erako, Kolesnikov teniente koronela izen, eta Guardiako Tankeen 4. Dibisioko buru ere.[2] Dibisioko jeneral mailara igo eta 2021eko abenduan Zabaikalski Kraiako Ekialdeko Barruti Militarreko Arma Konbinatuen 29. Armadako komandante izendatu zuten.[3]
Kolesnikovek Ukrainako inbasio errusiarrean parte hartu zuen eta, Ukrainako agintarien arabera, 2022ko martxoaren 11n hil zuten.[4] NATOko funtzionarioek baieztatu zuten Errusiako Ekialdeko Barruti Militarreko komandante errusiar bat bihurtu zela liskarretan hil zen hirugarren goi-mailako jeneral errusiarra –Andrei Sukhovetski eta Vitali Gerasimov-en ostean–, baina ez zuten bere izena zehaztu.[5] Mendebaldeko iturriek esan zuten Ukrainako frontean 20 jeneral errusiar inguru zabaldu zirela, eta horietatik hiru hil egin zirela jada.[6] Halaber iturriek esan zuten ohi baino jeneral gehiago hiltzen ari zirela, frontearen lerrotik ohi baino hurbilago bultzatzen ari zirelako beren buruak, soldadu errusiarren morala handitu nahian.[7] Ukrainako funtzionarioek esan zutenez, dibisioko laugarren jeneral bat ere, Oleg Mitiaev, martxoaren 15ean hil zen, Mariupolen.[8]
Erreferentziak
Kanpo estekak
Datuak: Q111191066
