Asteazken Beltza

Asteazken Beltza (ingelesez: Black Wednesday) 1992ko irailaren 16an izandako gertaera izan zen, noiz John Majorren gobernu kontserbadoreak libera esterlina beheko mugaz gain mantentzeko kapaz ez zenez truke-tasen mekanismotik (TTM) atera zuen. Erabaki horri esker, George Sorosek, garai hartako dibisa-merkatuaren inbertitzailerik ospetsuena, epe laburrerako salmentei esker mila milioi libera baino gehiagoko irabaziak izan zituen.^[1]

1997an Beroren Maiestatearren Altxorrak egindako ikerketa batean, Asteazken beltzak 3.400 milioi liberako kostua izan zuela zenbatetsi zuten.^[2] 2005ean, 2000. urteko Informazio Askatasunaren Legeari esker, benetako gastua 3.300 milioi liberakoa zela jakin zuten.^[3]

1992ko abuztu eta irailean izandako galera komertzialak 800 milioi liberakoak izan zirela taxutu zituzten, baina zergadunen galera nagusia debaluazio beratik zetorkien: britainiar gobernuak atzerritar dibisatan 24.000 milioi dolar mantenduko balitu, libera beherakada bera izango zatekeen eta Erresuma Batua k 2.400 milioi liberako irabazia izango zukeen.^[4]