Barego

Baregoak^[1] (antzinako eskandinavieraz: Væringjar; grezieraz: Βάραγγοι, Varangoi, Βαριάγοι; errusieraz: Варяги, translit.: Varyagi / Varyahy) IX. eta X. mendeetan egungo Errusian, Bielorrusian eta Ukrainian bizi ziren bikingoak izan ziren^[2]. Nestorren Kronikaren arabera Eskandinaviatik etorritako elitezko gudari-taldea izan zen, ekialdeko eslaviarrak gobernatzeko etorria^[3].

1113an idatzitako Kieveko Rusko kronika honek bikingo hauek batzutan rus' eta bestetan suediar, normandiar, anglo edo juto izendatzen ditu^[4] nahiz eta gehienak Suediakoak izan^[5].

Merkataritza edo pirateriaren bidez, edo mertzenario bilakatuta, Garðaríki edo Kieveko Rusko ibai guztiak zeharkatu zituzten, Kaspiar itsasoa eta Konstantinopoliseraino ailegatuz^[6]. Bertan enperadorearen guardia osatu zuten, Inperio osoan sona handikoa zena.

Errusiar historiografia nazionalistaren arabera, baregoak ez ziren eskandinaviarrak eslaviarrak baizik^[7] .