Begoña (barrutia)

Begoña Bilboko 4. barrutia da. Ibaizabal ibaiaren ekialdera kokatzen da.

Begoña (4)
Begoñako basilika.
Herrialdea Probintzia Udalerria	Euskal Herria  Bizkaia Bilbo
Auzoak	Begoña, Santutxu eta Bolueta
Azalera	17,707 km²
Biztanleria	43.715 (2005)
Bilbo erdigunea Begoña (4) Begoña (4) Begoña (4)
Koordenatuak:	43°15′32″N 2°54′58″W / 43.25889°N 2.91611°W / 43.25889; -2.91611

Iparraldean Uribarriko barrutiarekin, ekialdean Otxarkoaga-Txurdinagako barrutiarekin, mendebaldean Ibaiondoko barrutiarekin eta hegoaldean Basauri eta Etxebarriko udalerriekin. Barrutiak guztira 177,07 hektareako azalera dauka, eta 43.715 biztanle (2005).

1925ra arte Bizkaiko udalerria izan zen orduko Begoñako Errepublikan 2020ko hiru barruti hauek sartzen ziren: Uribarriko barrutia, Otxarkoaga-Txurdinagako barrutia eta oraingo Begoñako barruti hau.

Hainbat auzotan banatzen da, Begoñako auzoaz gain, Santutxu eta Boluetako auzoak. Bilbon dentsitaterik handienetarikoa duen barrutia da. 1960. urtetik aurrera etxebizitza ugari eraiki ziren, altuera handiko blokeak, nahiko era kaotikoan. Hau nahiko nabarmena da Santutxuko auzoan. Santutxuko kilometro koadro bat da Euskal Herriko trinkoena, 41.000 biztanle baino gehiago baititu, eta Europako eremu populatuenetan 24.a da.^[1]

1997. urtetik, Bilboko metroaren lehen lineak hiru geltoki dauzka Begoñako barrutian, Santutxu, Basarrate eta Bolueta.