Christel Teruel

Christel Teruel Arrieta (Berlin, Alemania, 1970 – Iruñea, Nafarroa Garaia, 2022ko maiatzak 14) musikari nafarra izan zen, eta rock munduko emakume aitzindarietako bat.

Christel Teruel
Bizitza
Jaiotza	Berlin, 1970
Heriotza	Iruñea, 2022ko maiatzaren 14a (51/52 urte)
Jarduerak
Jarduerak	abeslaria eta musikagilea

Christelen lehen esperientzia artistikoa Necrofilia izeneko taldean izan zen (Tijuana In Blue taldeko Ruben zen taldekideetako bat).^[1] Honen ondoren, Flores Muertas (Josetxo Ezpondarekin), Taxi Carlo taldeetan eta azkenik Malos Tratos musika taldean jarraitu zuen musika ibilbidea. 1988an musika talde honetan sartu eta Muerte o Locura diskan, kantu guztietan ahotsa jarri zuen Teruelek. Musika eszenan oso ezaguna izan zen.

1990ean Malos Tratos taldea utzi zuen eta emakumezkoek bakarrik osatutako La Viuda Negra musika taldea sortu zuen. Taldea Bilbo Hiria lehiaketa ospetsuan finalista izan zen eta taldearen izen bereko lehen diskoa grabatu zuten 1998an.

1993an, 10 abestiz osatutako bakarkako lan bat argitaratu zuen Christel Teruelek RDK disketxearekin "Soy tu sangre" izenburupean.

2020an, Christel Teruel La Viuda Negra berriro elkartzen saiatu zen Burlatan egiten den Nosotras-Gu emakumeok jaialdian parte hartzeko. La Viuda Negra taldea jaialdian izango zela iragarri bazen ere, Chistelen osasun egoera ordurako kaxkarrak, eragotzi zuen kontzertua ematea.

2022ko martxoaren amaieran, Teruelek lau kantu propio eta beste lau bertsionatu grabatuko zituela iragarri zuen, berriro La Viuda Negra taldearekin. Diska autoekoizpen bidez egiteko asmoa zuen, sareetan argitaratu zuenez: "Iruñeko taberna zehatzetan salduko dira eta kontzerturen bat ere egingo dugu. Ez dut disketxerik nahi ". ^[2]