Edurne Ormazabal
Edurne Ormazabal Azpiroz (Tolosa, Gipuzkoa, 1963) kazetaria da.[1] 2018az geroztik, Tabakalerako zuzendari nagusia.[2]
Edurne Ormazabal | |
---|---|
Bizitza | |
Jaiotza | Tolosa, 1963 (60/61 urte) |
Herrialdea | Gipuzkoa, Euskal Herria |
Hezkuntza | |
Heziketa | Euskal Herriko Unibertsitatea |
Hizkuntzak | euskara gaztelania |
Jarduerak | |
Jarduerak | kazetaria |
Lantokia(k) | Donostia |
Enplegatzailea(k) | EITB Tabakalera |
Euskal Herriko Unibertsitatean Psikologian lizentziatu zen.[3] Hala ere, bere lan ibilbidea hedabideetan egin du batik bat. Lehendabizi, Donostiako Herri Irratian eta Deia egunkarian egin zuen lan. Ondoren, Antena 3 Irratian (gerora desagertua) aritu zen. Gero, ETB 1eko Katu Kale saioa aurkeztu zuen hiru urtez. Azkenik, 1990a geroztik Euskadi Gaztea irratiaren koordinatzailea izan da 2008a arte. Orduan, EITBren EITBNET arlo digitalaren ardura hartu zuen; bai eta EITB taldearen zuzendaritza komertziala ere.[4]
Horrez gain, Donostiako Zinemaldian parte hartu izan du, aurkezletzat edo sari-emailetzat.
2018an, Tabakalerako zuzendari nagusi izendatu zuten.[5]
Erreferentziak
Kanpo estekak
- Edurne Ormazabali eginiko elkarrizketa
- (Ingelesez) «Edurne Ormazabal», IMDB.
- Colina, Sustrai. (2011-09-18). «Edurne Ormazabal: “Ez pentsa EITB betirako denik!”» Argia (Noiz kontsultatua: 2020-05-31).