Elai-Alai Kultur Elkartea

Elai Alai dantza eta musika taldea Portugaleten jaio zen 1962an, herri ekimenaren ondorioz eta bokazio sekularrari jarraituz. Harrezkero, taldearen nortasuna eta ospea Euskal Herriko mugen barruan eta kanpoan finkatu dira, euskal folklore aberatsa berreskuratzeko, kontserbatzeko eta zabaltzeko etengabeko lanari esker. Nazioarteko hainbat ekitalditara gonbidatu dute taldea, eta arrakasta handia lortu izan du. Bere errepertorioan Euskal Herri osoko dantzak sartzen dira.^[2]

Elai Alai Dantzari Taldea gaur eguneko Elai-Alai kultur taldearen sorleku izan zen hasieran. Kultura tradizionaleko zentroa. Bere egitekoa euskal sustraia berrezitzeko bideratzen du, musikariak, dantzariak, artisauak eta abar sortuz. Horrela urteetan zehar hainbat urrats egin dituzte: Portugaleteko Nazioarteko Folklore Jaialdia antolatzea,^[3][4] Kultura Tradizionaleko Topaketak, Elai Alai Dantza Taldea, Folklore Azoka eta Dantza ta Musika Eskola, besteak beste.^[5][1]

Taldeak, bere ibilbide luzean, muntaia ugari egin ditu. Sustraiak, Salazar Dorrea, Lehen, Orain eta Beti eta Santiago dira horietako batzuk.^[6] Muntaketa horietan guztietan bilakaera tekniko eta koreografikoa ikusi ahal izan da.

Euskal Herriko zazpi lurraldetakoak diren honako 37 dantza landu eta plazaratu ditu Elai-Alai taldeak:^[7]

Bizkaikoak (10)

• Dantzari Dantza
• Soka Dantza, Erregelak aurreskua
• Arratiako Jota eta arin-arina
• Lekeitioko Andrazkoen Aurreskua
• Kaixarranka
• Xemeingo Ezpata Dantza edo San Migel
• Mahai Gainekoa (Mendexa)
• Gorulariak (Arku dantza eta Domingillo)
• Lanestosako Arku Dantza
• Zahagi Dantza, Pellejo Markina-Xemein eta Ondarroa dantza

Arabakoak (5)

• Itsua

• Biasteriko jota
• Lezeako Zortzikoa
• Oiongo dantzak
• Villabuenako paloteatuak

Gipuzkoakoak (6)

• Lasarte-Oriako Sorgin Dantza (kapirote-dantza da, Gaztedik 1964an berreskuratu zuen taldeak, ordurako desagertuta baitzegoen)

• Oñate Korpus Dantzak
• Adunako azeri dantza
• Broke Dantzaren zikloa
• Uztai Haundi Dantza
• Soinu Zaharrak

Nafarroakoak (12)

• Baztango mutil dantzak
• Baztango Soka Dantza
• Lesakako Ezpata Dantza
• Lizarrako Larraindantza
• Iribaseko Ingurutxua
• Kortesko Dantza (paloteatuak)
• Otxagabiako Dantzak (paloteatuak)
• Berako paloteatuak

• IIturen eta Zubietako inauteriak
• Iturengo Soka Dantza
• Arizungo Sagar dantza
• Lantzeko inauteriak

Lapurdikoak (1)

• Lapurdiko inauteriak

Nafarroa Beherekoak (1)

• Luzaideko Inauteria

Zuberoakoak (2)

• Suletina Maskarada
• Zuberoako kadrilak

• Gaztedi Dantzari Taldea
• Galdakaoko Andra Mari Taldea
• Salleko Dantza Taldea

• Taldearen webgune ofiziala
• Elai Alai Kultur Taldea Facebook