Ellen Ochoa

Ellen Ochoa
	; Irudi gehiago
Bizitza
Jaiotza	Los Angeles, 1958ko maiatzaren 10a (65 urte)
Herrialdea	Ameriketako Estatu Batuak
Hezkuntza
Heziketa	Stanford Unibertsitatea ; San Diego State University (en) ; Grossmont High School (en)
Jarduerak
Jarduerak	astronauta eta ingeniaria
Enplegatzailea(k)	Sandia National Laboratories (en) ; Lyndon B. Johnson Espazio Zentroa ; Ames Research Center (en) ; National Science Board (en)
Jasotako sariak	ikusi California Hall of Fame (2015) ; United States Astronaut Hall of Fame ; NASA Outstanding Leadership Medal (1995) ; NASA Exceptional Service Medal (1997) ; NASA Space Flight Medal (1999) ; NASA Exceptional Service Medal (2000) ; NASA Space Flight Medal (2002) ; NASA Distinguished Service Medal (2003) ; Fellow of the American Association for the Advancement of Science (2012) ; Fellow of the American Institute of Aeronautics and Astronautics ;
Kidetza	Phi Beta Kappa Elkartea
Astronauta
Misioak	STS-56 (en) STS-66 (en) STS-110 (en) STS-96 (en)
Misioen entseina(k)
Denbora espazioan	60.960 minutu

Ellen Lauri Ochoa (Los Angeles, Kalifornia, 1958ko maiatzaren 10a) estatubatuar fisikaria, zientifikoa eta NASAko astronauta ohia da.^[1] ^[2] ^[3] Aitaren aldeko aitona-amonak mexikarrak ziren.^[4] ^[5] Espaziora joan den jatorri hispaniarra duen lehen emakumea izan zen.^[6] ^[7] ^[8]

Optikako Elkarte Amerikarreko eta Aeronautikako eta Astronomiako Institutu Amerikarreko kidea da, eta NASAk emandako Zerbitzu Bikainaren Domina jaso zuen 1997an. Gainera, Herentzia Hispanoaren Saria jaso zuen.^[9] ^[10]

Biografia

Ellen Ochoa 1958ko maiatzaren 10ean jaio zen Kaliforniako Los Angelesen. Gurasoak ere Estatu Batuetan jaio ziren, baina aiton-amonak mexikarrak ziren, Sonoratik etorriak.^[11] ^[12]

Ibilbide akademikoa

San Diegoko Estatuko Unibertsitatean ikasi zuen Fisika. Ondoren, ingeniaritza elektrikoko doktoretza ikasi zuen Stanford Unibertsitatean eta NASAko Ames Ikerketa Zentroko ikertzailea izan zen.^[13] Ondoren, informazioa prozesatzeko sistema optikoak ikertu zituen. Berak sistema optikoei buruzko hiru patenteren asmatzailekidea da, bata objektuak ezagutzeko eta bestea irudien zarata kentzeko. Intelligent Systems Technology Branch-eko buru gisa, 35 ingeniari eta zientzialari gainbegiratu zituen, misio aeroespazialetarako zenbaketa-sistemen ikerketan eta garapenean.^[14] Halaber, Ochoak hainbat hitzaldi tekniko eman ditu eta egunkari zientifikoetan argitaratu du.^[15]

Hainbat saio egin ondoren, NASAk onartu egin zuen, eta 1993ko apirilaren 4an astronauta egin zen.^[6]

Espazioko lau misiotan parte hartu zuen: STS-56 transbordadorearena 1993an, STS-66koa 1994an, STS-96koa 1999an eta STS-110ekoa 2002an; beraz, ia 1.000 hegaldi-ordu metatu zituen.^[16]

2013ko urtarrilean, Ellen Ochoa Lyndon B. Johnson Espazio Zentroko zuzendari izendatu zuten, eta kargu horretan aritzen den bigarren emakumea eta jatorri hispanoko lehena izan zen.^[17]

Esperientzia NASAn

NASAk 1991ko urtarrilean hautatua, Ochoa astronauta egin zen 1991ko uztailean. Lau hegaldi espazial egin zituen, eta 978 ordu erregistratu zituen espazioan. Misioko espezialista izan zen STS-56an, kargako komandantea STS-66an, eta hegaldi-ingeniaria STS-96an eta STS-110ean.^[18] ^[19]

Espazioko hegaldiak

STS-56 (1993) - 9 eguneko misioa, eguzkiak Lurrean duen eragina zehazteko eguzki- eta atmosfera-azterketak egiteko. Spartan satelitea zabaltzeko beso mekaniko bat erabili zuen Ochoak, eguzki-koroa aztertuko zuena.

STS-66 (1994) - Eguzki-energia aztertzeko eta Lurreko kliman dituen irridazio-aldaketak ezagutzeko misioa. Ochoa zen misioaren karga-komandantea, eta beso mekaniko bat erabili zuen KRISMOA-SPAS satelite atmosferikoa berreskuratzeko.

STS-96 (1999) - Nazioarteko Espazio Estaziora akoplatzeko misioa, 4 tona material logistiko eta hornidura lekualdatzeko, 1. espedizioaren etorkizuneko egonaldirako. Ochoak koordinatu zuen lekualdaketa eta 8 orduko ibilaldi espaziala egin zuen.

STS-110 (2002) - S0 (S-cero) instalatu zen Nazioarteko Espazio Estaziora 13. shuttle misioa. Ochoak, 4. espedizioko kideekin batera, S0 instalatzeko Nazioarteko Espazio Estazioaren beso mekanikoarekin lan egin zuen.

Ohore bereziak

NASA Exceptional Service Medal
NASA Space Flight Medals
NASA Outstanding Leadership Medal
Space Act Tech Brief Awards
Women in Aerospace Outstanding Achievement Award
The Hispanic Engineer Albert Baez Award
Hispanic Heritage Leadership Award
Urteko ikaslea, San Diego State University

Iruditegia

Ellen Ochoa karga erabilgarriko komandantea STS-66 hegaldian
STS-66 (1994) Ellen Ochoaren 2. hegaldia
ST-96 (1999) Ellen Ochoaren 3. hegaldia
Ellen Ochoa,4. hegaldirako entrenatzen, STS-110 (2002)
Ellen Ochoa, 1999
Ellen Ochoa astronautak, karga erabilgarri-komandanteak, Urruneko Sistema Manipulatzailearen (RMS) besoaren kontroletan
Ellen Ochoa larrialdietarako irteera-prozedura simulatzen ari da.
Ellen Ochoa eta semea, 2007

Erreferentziak

Kanpo estekak

Datuak: Q49269
Multimedia: Ellen Ochoa / Q49269

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

Search