Euskal hizkuntzalaritza

Euskal hizkuntzalaritza edo euskalaritza euskara aztergai duen hizkuntzalaritza eta filologiaren adarra da, XIX. mendearen hasieran sortua. Hain zuzen ere, euskal hizkuntzalaritza Wilhelm von Humboldtekin hasi zela jo ohi da —ordu arte, euskarari buruzko teoriak mitoetan zeuden oinarriturik^[1][2]— eta euskal hizkuntzalaritzak izan duen ikertzailerik handiena Koldo Mitxelena da.^[3][4] Arlo horretan diharduenari euskal hizkuntzalaria, euskal filologoa edo euskalaria deritzo.