Frau Im Mond
Frau im Mond (Emakumea Ilargian) zientzia-fikzio generoko 1929ko film mutua da, Fritz Langek zuzendua. Istorioa Langen andreak, Thea von Harbouk, idatzitako eleberrian oinarrituta dago (Die Frau im Mond, 1928). Lanak erakusten dituen efektu bereziak bikainak dira egin zen garairako, baina filmak ez zuen arrakasta handirik izan, ezta etekin handirik sortu ere. Aurreneko aldia da zineman hamarretik zerora zenbatzen agertzen dena, kohetea abian jartzean.
| Frau Im Mond | |
|---|---|
| Jatorria | |
| Argitaratze-data | 1929 |
| Izenburua | Frau im Mond |
| Jatorrizko hizkuntza | alemana baliorik ez |
| Jatorrizko herrialdea | Alemania |
| Banatze bidea | eskatu ahalako bideo |
| Ezaugarriak | |
| Genero artistikoa | zientzia-fikziozko filma, film mutua, film dramatikoa eta arthouse science fiction film (en)  |
| Iraupena | 100 minutu |
| Kolorea | zuri-beltzekoa |
| Zuzendaritza eta gidoia | |
| Zuzendaria(k) | Fritz Lang |
| Gidoigilea(k) | Thea von Harbou Hermann Oberth Fritz Lang |
| Antzezlea(k) | |
Klaus Pohl (en) Willy Fritsch (en) Gustav von Wangenheim Gerda Maurus (en) Fritz Rasp (en) Gustl Gstettenbaur (en) Tilla Durieux Karl Platen Alexa von Porembsky (en) Margarete Kupfer (en) Gerhard Dammann Edgar Pauly (en) Heinrich Gotho (en) Alfred Loretto (en) | |
| Ekoizpena | |
| Ekoizlea | Fritz Lang |
| Bestelako lanak | |
| Musikagilea | Willy Schmidt-Gentner (en) Konstantin Tschet |
| Argazki-zuzendaria | Curt Courant Otto Kanturek (en) Oskar Fischinger |
| Fikzioa | |
| Kontakizunaren tokia | Ilargia |
         | |
Argumentua
Mansfelt irakaslea konbentzituta dago ilargiko arroketan urrea dagoela, baina inork gutxik ez dio jaramonik egiten. Wolf Helius ingeniari gazteak, ordea, horretaz zer pentsatu badu eta ilargirako bidaia prestatzen hasten da. Turner gaizkileak, egitasmoaren berri izan bezain laster, kohetearen planoak lapurtzen ditu eta bidaian parte hartzea eskatzen du itzuliko baditu. Espedizioa abian jarriko da eta hara doaz hiru pertsonaia horiek eta Heliusen bazkidea den Windegger, honen andregaia Friede eta Gustav ezkutuko bidaiari gaztea. Iritsitakoan urrea topatzen dute, baina Turner eta Mansfelten arteko borroka hasi besterik ez da. Mansfelt hil egiten da, eta Turner geldiarazi nahian kohetearen oxigeno erreserbak hondatzen dituzte. Ezin dira denak etxera itzuli, guztientzako adina oxigenorik ez dago eta. Helius eta Friede ilargian geratuko dira.
Aktoreak
- Willy Fritsch : Wolf Helius
- Gerda Maurus : Friede Velten
- Klaus Pohl : Georg Manfeldt irakaslea
- Fritz Rasp : Walt Turner
- Gustl Gstettenbaur : Gustav
- Gustav von Wangenheim : Hans Windegger
- Margarete Kupfer
Kanpo estekak
- (Ingelesez) Filma IMDB atarian
Datuak: Q701584
Multimedia: Frau im Mond / Q701584
