Gai kimiko

Kimikan, gai kimikoa edo substantzia kimikoa konposizio kimiko konstantea eta propietate bereizgarriak dituen materia forma bat da.^[1] Ezin da osagaietan banatu banatze fisikoko metodoen bitartez^[2], hau da, lotura kimikoak hautsi gabe. Gai kimikoak izan daitezke substantzia sinpleak, molekulak, konposatu kimikoak edo aleazioak^[3].

Gai kimikoei, batzuetan "puru" deitzen zaie, nahasturengandik bereizteko. Gai kimiko baten adibide sinple bat ura izango litzateke; propietate berdinak ditu eta hidrogeno eta oxigenoaren arteko harreman berdina du erreka batetik hartuta zein laborategian sintetizatzen badugu. Beste substantzia kimiko sinple batzuk diamantea, urrea, gatz arrunta edo sakarosa izan daitezke. Hala ere, mundu errealean, gai kimiko gehienak ez dira guztiz puruak eta nahastura kopuru bat dute.

Solidoa, likidoa, gasa edo plasma izan daitezke, eta faseen artean alda daitezke presioa edo tenperatura aldatzen baldin bada.