Garbiñe Biurrun
Garbiñe Biurrun Mancisidor[1] (Tolosa, Gipuzkoa, 1960) euskal epailea eta Euskal Herriko Unibertsitateko irakaslea da Bizkaiko Zuzenbide Fakultatean. Egun EAEko Justizia Auzitegi Nagusiko magistratua da eta EAEko JANeko Areto Sozialeko Presidentea da.
| Garbiñe Biurrun | |||
|---|---|---|---|
.jpg) | |||
| |||
| Bizitza | |||
| Jaiotza | Tolosa, 1960 (63/64 urte) | ||
| Herrialdea |  Gipuzkoa, Euskal Herria | ||
| Lehen hizkuntza | euskara | ||
| Familia | |||
| Seme-alabak | ikusi | ||
| Hezkuntza | |||
| Heziketa | EHUko Zuzenbide Fakultatea | ||
| Hizkuntzak | euskara gaztelania | ||
| Jarduerak | |||
| Jarduerak | epailea eta katedraduna | ||
| Lantokia(k) | Donostia | ||
| Enplegatzailea(k) | Euskal Autonomia Erkidegoko Justizia Auzitegi Nagusia Euskal Herriko Unibertsitatea Spanish National School for the Judiciary (en)  | ||
EAEko Auzitegi Nagusiko behin-behineko presidentea 2020ko udazkenera arte. [2][3]
Biografia
Bere jaioterrian egin zituen lehen ikasketak. 1982an, zuzenbide gradua eskuratu zuen Gizpukoako Zuzenbide Fakultatean. Urte horietan Euskadiko Ezkerrako kide egin zen, eta bi urtez Gizpukoako Zuzenbide Fakultatean irakasle izan zen.
Gaur egun Euskal Herriko Unibertsitateko irakaslea da Bizkaiko Zuzenbide Fakultatean.
Epailetza
1987an, epaile izateko azterketak gainditu eta, une berean, militantzia politikoari utzi zion. Bi urtez Tolosan bertan egin zuen lan epaile bezala eta beste hamar urtez lanbide berean jarraitu zuen Donostian. Demokraziarako Epaileak elkarteko koordinatzailea izan da. 1998an EAEko Justizia Auzitegi Nagusiko magistratu izendatu zuten, eta zeregin horretan dihardu azken urte hauetan.
2009ko irailaren 10ean Euskal Autonomia Erkidegoko Auzitegi Nagusiko Gizarte Arloko magistratu kargua hartu zuen. 2015eko urtarrilaren 13an, Garbiñe Biurrun EAEko Auzitegi Nagusiaren lan-arloko aretoaren presidente bilakatu zen eta prozesuak azkartu eta euskararen erabilera sustatzea jarri zituen helburutzat[4].
2020ko ekainean Euskal Autonomia Erkidegoko Auzitegi Nagusiko behin-behineko presidente kargua hartu du udazkenera arte. Uztailean hasiko da Auzitegi Nagusiko presidentea hautatzeko prozesua. [2][5]
Euskara eta Hedabideak
Horrez gain, Demokraziarako Epaileak elkarteko kidea da. Hainbat hedabidetan iritzi-emaile izan da, besteak beste, Euskal Telebistako ETB2 kateko Pásalo magazinekoa..
Argitalpenak
Liburuak
- Lan Arloko Prozeduraren Legea. Ley de Procedimiento Laboral (2007) Aitor Bengoetxea Alkorta, Garbiñe Biurrun Mancisidor. Ed. Bilbao : Universidad del País Vasco
Artikuluak
- Algunas reflexiones en torno a la paz (2006) Tiempo de Paz 0212-8926, Nº 82 págs. 37-40
- ¿Reforma del sistema público de pensiones? ¿Qué reforma? (2010) Actualidad jurídica Aranzadi 1132-0257, N 808 pág. 6
- Adiós al despido objetivo por amortización del puesto de trabajo: última crónica de una vieja etapa (2010) Tribuna social: Revista de seguridad social y laboral 1130-7331, Nº 236-237 págs. 77-84
- La Unión Europea como agente de paz: contradicciones y desafíos para el s. XXI (2013) ISBN 978-84-695-7231-3
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
| Wikiesanetan badira aipuak, gai hau dutenak: Garbiñe Biurrun |
Datuak: Q12258190
Aipu famatuak: Garbiñe Biurrun
