Georgette Rizk
Georgette Youssef Al-Issa, ezagunagoa Georgette Rizq izenez edo Johnnyren ama (Tulkarem, Palestina,1925eko azaroaren 27a – Jerusalem, Israel, 2018ko martxoaren 16a) kristau-aitorpeneko militante eta ekintzaile politiko, sozial eta feminista palestinarra izan zen. Tulkarem hirian jaio eta hazi zen, Palestinan, eta 1948az geroztik mugimendu feminista palestinarraren aitzindaritzat hartu izan da. Lan sozialean eta Palestinako borroka nazionalean nabarmendu zen. "Palestinako boluntarioen aitzindaria" deitzen zaio, eta 1948an Jerusalemgo hiri zaharrean sortu zuen lehen zentro medikoa.[1][2][3][4][5][6][7][8]
| Georgette Rizk | |
|---|---|
| Bizitza | |
| Jaiotzako izen-deiturak | جورجيت يوسف العيسى |
| Jaiotza | Tulkarem, 1925eko azaroaren 27a |
| Herrialdea |  Palestina |
| Lehen hizkuntza | arabiera |
| Heriotza | Jerusalem, 2018ko martxoaren 16a (92 urte) |
| Hobiratze lekua | Mount Zion Cemetery (en)  |
| Heriotza modua | berezko heriotza: giltzurruneko gutxiegitasuna |
| Familia | |
| Seme-alabak | ikusi
|
| Hezkuntza | |
| Heziketa | Adawiya School (Tulkarm) (en) |
| Hizkuntzak | arabiera ingelesa |
| Jarduerak | |
| Jarduerak | aktibista, ekintzaile soziala eta militante politikoa |
| Enplegatzailea(k) | British Overseas Airways Corporation (en) |
| Jasotako sariak | ikusi
|
| Kidetza | General Union of Palestinian Women (en) Arab Women's Association (en) Palestinian National Movement (en) Arab Orthodox Society (en) |
| Mugimendua | gizarte mugimendua feminist movement (en) Palestinian National Movement (en) |
| Sinesmenak eta ideologia | |
| Erlijioa | kristautasuna |
| Alderdi politikoa | hautagai independente |
Biografia
Georgette Youssef Al-Issa Tulkarem hirian jaio zen, Palestinan, 1925eko azaroaren 27an, familia kristau batean. Aita ikuskatzaile farmazeutikoa zen Palestinako britainiar agintaldiaren garaian, eta ama, berriz, erizaina zen ospitale palestinarretan.
Georgettek lehen hezkuntza jaso zuen nesken Tulkaremeko Al-Adawiya eskolan. Hogei urterekin hasi zen lanean British Overseas Airways Corporation-en. Jerusalemen Rey David hotelean zuen egoitza. 1946ko uztailaren 22an, Irgún erakunde sionistak bonbardatu egin zuen hotela, Britainia Handiko agintaldiaren aurkako matxinada juduaren gertaeren parte gisa, egoitza ere hotelean baitzuen. Eztandak 91 pertsona eta hainbat nazionalitatetako dozenaka zauritu hil zituen. Bonbardaketatik onik irten zen, leherketa Georgette Rizk hoteletik irteten zen unean gertatu baitzen.
1947ko abuztuaren 17an, Dimitri Elia Rizq-ekin ezkondu zen Jaffan, eta harekin lau seme-alaba izan zituen: Helen, Johnny, Jorge eta Mira.
Ibilbidea
Nakba 1948an egin zen eta Georgettek berehala ireki zuen bere lehen mediku klinika Jerusalemgo hiri zaharrean, zehazki Katedral greziar katolikoaren sotoan, larrialdiko boluntario zerbitzuak eskaintzeko eta zaurituak artatzeko. Bere amaren laguntzarekin, Osasun Ministerioaren mediku zentrorako lizentzia lortu zuen 1950ean, bere kokapena aldatu eta handitu ondoren, urteen poderioz hiriko osasun zentrorik handiena bihurtu zen. Zentro horrek, egunero milaka palestinarri mesede egiten zion eta onuragarri izaten jarraitzen duen zentroak, amatasun eta haurtzaroko lehen klinika ere barne hartzen zuen. Ekialde Hurbilean Palestinako Iheslarientzako Nazio Batuen Agentziaren haurrentzako txertoak eta elikagaien laguntza emateko ziurtagiria lortu zuen Palestinako lehen mediku zentroa ere izan zen. Zentro horretan mediku talde batek lan egin zuen, eta horien artean nabarmenenak ziren, besteak beste, Yacoub Ziyadin doktorea, Subhi Gosheh doktorea eta Emil Jarjoui doktorea. Zentro medikoak 16 espezialitate baino gehiago biltzen ditu, hala nola tratamendu medikoa eta hortz-odontologia, osasun-hezkuntza, prebentzio-medikuntza, lehen sorospenak, nutrizio-hezkuntza, haurrentzako txertoa, etab.
1950. urtean, Georgettek "Deikunde greziar- katolikoaren Ama Batzarra" sortu zuen, eta haren presidentziaz arduratu zen. 1967ko uztailean, Sei Eguneko Gerraren ondoren, Jerusalemen, israeldarren okupazioaren aurkako Palestinako batasun feminista arabiarraren protestak gidatu zituen. Gobernuak Georgetteren kontrako erbesteratze-agindua eman zuen, eta gero baliogabetu egin zuen.
1977an, Georgettek haurtzaindegi bat ezarri zuen haurrak zaintzeko, Deikunde greziar- katolikoaren Ama Batzarrean afiliatua. Ikasle-funts bat ere ezarri zuen, Jerusalengo Hiri Zaharreko haurrei hezkuntzarekin jarrai dezaten laguntzeko.
Kidetzak
Georgette hainbat elkartetako kide izan zen urte askoan, besteak beste, Ortodoxo arabiar Erakundea, Jerusalemgo Emakume Gazte eta Kristauen Elkarteko Administrazio Kontseilua, Jerusalemgo Caritas Fundazioko Kontseilarien Batzordea, Jerusalemgo Elkarte Karitatiboen Batasuna, Emakume Arabiarren Elkartea, etab. Georgettek Jerusalem eta Palestina ordezkatu zituen eskualdeko eta nazioarteko hainbat hitzalditan.
Sariak eta aintzatespenak
Lan sozial eta aktibistan egindako lanak aitortzeko, Georgettek nazioarteko eta tokiko goi-ohore batzuk lortu zituen, besteak beste:
- 1982ko Vatikanoko ospakizun pribatu batean, Bikaintasunaren Aita Santuaren domina gizarte-zerbitzuengatik
- San Lazaro domina
- Palestinako hainbat ohore izateaz gain, 2011ko martxoaren 9an Jerusalemgo Emakume Nabarmenenaren Urteko Saria jaso zuen.
Heriotza
Georgette Jerusalem hirian hil zen 2018ko martxoaren 16an, 92 urte eta hiru hilabetera, 2000. urtetik gaixotasun luze baten ondoren (giltzurruneko gutxiegitasuna). Haren hileta 2018ko martxoaren 18an izan zen, igandean, Jerusalemgo Beit Haninan, Eliezer "Al-Liqa" greko-melkita katolikoan, Palestinako eta nazioarteko herrien presentzia ofizial eta herrikoian. Jerusalemgo Sion Mendia hilerrian lurperatu zuten.
Sebastiako Atallah Hanna artzapezpiku ortodoxo grekoak negar egiteko eta dolumin emateko etxeak ireki zituen Eliézer-eko "Al-liqa" eliza katoliko greko-melkitan, Beit Haninan, eta Ramallahko eliza katoliko latinoan, Jerusalemera iritsi ezin zirenentzat.
Erreferentziak
Kanpo estekak
Datuak: Q114260380
