Greensboro (Ipar Carolina)

Greensboro; Greensboro
	Ameriketako Estatu Batuetako hiria
	Irudi gehiago
Administrazioa
Estatu burujabe	Ameriketako Estatu Batuak
Estatua	Ipar Carolina
Ipar Carolinako konderri	Guilford konderria (Ipar Carolina)
Alkatea	Nancy Vaughan (en)
Izen ofiziala	Greensboro
Jatorrizko izena	Greensboro
Posta kodea	27402, 27405, 27406 eta 27455
FIPS kodea	37-28000
Geografia
Koordenatuak	36°04′48″N 79°49′10″W / 36.08°N 79.8194°W
Azalera	346.046205 km²
Altuera	272 m
Demografia
Biztanleria	299.035 (2020ko apirilaren 1a); 19.396 (2013)
Dentsitatea	864,15 bizt/km²
Etxebizitzak	118.126
Informazio gehigarria
Sorrera	1808
Telefono aurrizkia	336
Ordu eremua	Ekialdeko Ordu-eremu, UTC−05:00 eta UTC−04:00
Hiri senidetuak	Montbéliard
	greensboro-nc.gov

Greensboro hiria (formalki Greensborough) Ipar Carolinako iparraldean dago kokatuta, Estatu Batuetan.^[1] 1808.urtean Nathanael Greene generalak hiriburu izendatu zuen. Urte horretan konderriren hiriburua izendatu zuten. Ameriketako Estatu Batuetako Gerra Zibilaren amaieran Estatu Konfederatuen hiriburua izan zen.

Biztanleria

Biztanleriari dagokionez, Ipar carolinako hiri handiena da. Estatu Batuak 2010ean egindako azterlanak dio 269.666 biztanle daudela Greensboron.^[2]

Klima

Klima heze subtropikala du Greensborok. Neguak laburrak dira eta ez oso gogorrak. Orokorrean, ohikoak dira ekaitzak uda eta udaberrian zehar, eta batzutan nahiko kaltegarria izan daitezke naturari dagokionez. Greensboroko biztanleek hainbat arazo izan dituzte tornadoak direla eta. 1936.urtetik aurrera Greensboron edo inguruan egondako tornado ezagunenak honako hauek izan dira:

1998ko martxoak 20, Stoneville.
1989ko maiatzak 5, Clemmons eta Winston-Salem.
2008ko maiatzak 7, Clemmons eta Greensboro.

Kultura

Museoak

Reed African American Heritage Museum, AEBko Afrikaren inguruko bilduma ezagunetarikoa da. Baita ere Haitiko eta Ginea Berriaren objektuak biltzen ditu.^[3]
International Civil Rights Center & Museum. 2010.urtean Nazioarteko Giza Eskubideen Museoak bere ateak ireki zituen. Izan ere, eraikin honen helburua Ipar Karolinako unibertsitateko lau gaztek egindako lana gogoraraztea da. Museo hau orain dela urte batzuk Woolworth izeneko denda zegoen tokian kokatuta dago. Denda hau monumentu garrantzitsu bat izan zen Amerikarentzat, bertan gertatu baitzen giza eskubideen alde egindako lehenengo protesta, aurretik aipatutako lau gazteek egindako protesta hain zuzen ere.
Weatherspoon Art Museum. Museo honetan mundu mailako artisten lanak ikus daitezke, besteak beste, Henri Matisse, Andy Warhol, Pablo Picasso, Robert Rauschenberg...^[4]

Jaiak

"Ekialdeko musikaren jaialdia": Piedmont Triad zonaldean ekainak 25etik uztailak 30 arte ematen den jaia da. Bertan, orkestra sinfonikoaren eta hainbat artista famatuen 70 kontzertu baino gehiago ikusi ahal izan daitezke.
"Fun fourth festival": Uztailaren 4an ospatzen den eta Ameriketako oso famatua den jaialdia da. Egun honetan, Independentziaren eguna ospatzen da eta horretarako, familia osoarentzat diren ariketa asko daude: kontzertuak, umeentzako koltxonetak, su artifizialak gauean...^[5]
"Afroamerikarren artearen jaialdia": Afroamerikarrek kultura estatubatuarrari emandakoa gogorarazteko, urtarrilaren eta martxoaren artean ospatzen den festa da. Jai honek kontzertuak, antzezlanak etab. ere barne hartzen ditu.