Julia de León
Julia de León Cruz (Santa Cruz Tenerifekoa, 1977ko uztailaren 23a) Espainiako astronomo eta zientifikoa da, asteroideen konposizio mineralogikoan espezializatua.[1] NASAren OSIRIS-REx misio espazialean irudiak prozesatzeaz arduratzen zen taldeko kide izan zen.[2][3][4]
Julia de León | |
---|---|
Bizitza | |
Jaiotza | Santa Cruz Tenerifekoa, 1977ko uztailaren 23a (46 urte) |
Herrialdea | Espainia |
Hezkuntza | |
Heziketa | La Lagunako Unibertsitatea |
Jarduerak | |
Jarduerak | ikertzailea eta astronomoa |
Enplegatzailea(k) | Instituto de Astrofísica de Canarias (en) Instituto de Astrofísica de Canarias (en) (2016ko irailaren 1a - |
Ibilbidea
Fisika ikasi zuen La Lagunako Unibertsitatean (1995-2000) eta Astrofisikan doktoratu zen unibertsitate berean 2009an. Doktore-tesia egiten ari zela, astronomo gisa lan egin zuen Kanarietako Astrofisika Institutuan (IAC), Europako Espazio Agentziaren (ESA) teleskopio batean, espazio-zaborra monitorizatzen (2001-2008).[2][4]
De Leonek asteroideetan espezializatu du bere ikerketa, eta, bereziki, tripulaziorik gabeko misio espazial batek "bisitatzeko" hautagai posibleen analisi konposizionalean. Helburua objektu horien gainazaleko konposizioa eta zer mineral dauden aztertzea da, azaleran islatzen den argiaren analisitik abiatuta.[5]
Aintzatespenak
Schelte John Bus astronomoak, Siding Spring-eko Behatokiko ikertzaileak, 3 kilometroko diametroa duen asteroide bat aurkitu zuen 1981eko otsailaren 28an. Julia de León Cruzen omenez izendatu zuten. 8324 Juliadeleon asteroidea da.[6]