Kaukasiar hizkuntzak

Kaukasiar hizkuntzek^[1] hizkuntza familia bat osatzen dute, Kaukasiako zenbait hizkuntza biltzen duena. Hamar milioi hiztun inguru ditu eta zenbait familiatan banaturik dago: haietako batzuek ia ez dute besteekiko inolako kidetasunik.

Hiru familia nagusiok osatzen dute:

• kartveliarrak (5,2 milioi hiztun)
• ipar-ekialdeko kaukasiarrak (3,8 milioi hiztun)
• ipar-mendebaldeko kaukasiarrak (2,5 milioi hiztun)

Filologo batzuen arabera, euskara kaukasiar hizkuntzekin loturik dago, batez ere, georgierarekin, bereziki gramatikaren aldetik: hizkuntza eranskariak eta ergatibodunak dira, eta aditzek subjektuaren, objektu zuzenaren eta zeharkakoaren berri ere ematen dutelako, baina harreman hori ez dago erabat frogaturik.^[2]