Laura Ràfols

Laura Ràfols
	; (2012) Irudi gehiago
Bizitza
Jaiotza	Vilafranca del Penedès, 1990eko ekainaren 23a (33 urte)
Herrialdea	Katalunia
Hezkuntza
Hizkuntzak	katalana; gaztelania
Jarduerak
Jarduerak	futbolaria
Ibilbidea
Posizio edo espezialitatea	futbol atezaina
Kirol zenbakia	1
Altuera	1,76±0,001 metro

Laura Ràfols Parellada (Villafranca del Panadés, Bartzelona, Katalunia, 1990eko ekainaren 23a) bartzelonar futbolari ohia eta fisioterapeuta da. Atezain jokatu zuen Espainiako Lehen Mailako Bartzelona FCn. Erretiratu eta gero, Bartzelona FCko hasiera mailako futbolariekin lan egiten du, prestatzaile fisikoa da.^[1]

Bartzelona Futbol Klubean egin zuen ibilbide osoa. Barçan hainbat erronka gainditu ditu eta historia ere egin du.^[2] 2007. urtetik 2018 urtera, erretiratu zen arte, eta 4 liga, Erreginaren 6 kopa eta Kataluniako 8 kopa irabazi zituen.^[3]

Futbolari ibilbidea

Futbolari

Fundació Esportiva Atlètic Vilafranca fundazioaren beheko kategorietatik hasi zen. 2005ean Bartzelona Futbol Klubeko behe kategoriko B taldearekin fitxatu zuen. Bertan, bi denboraldi egin zituen, Ramon Torne eta Joaquim Querolen agindupean.

Azkenean, 2007an, Bartzelona Futbol Klubean sartu zen, bigarren mailara jaitsita, une gogorrenetako bat pasatzen ari zenean, baina, Xavi Llorens aulkira iristean, dena hobetu zen, Bigarren Mailatik atera ondoren. Denboraren poderioz, hiru makilen azpiko atezain garrantzitsua izan zen, taldearen titularra izatera iritsi baitzen.

Hiru urtez Barçan aritu ondoren, azkenean iritsi zen lehen garaikur ofiziala, 2011n Erregina Kopa irabazi baitzuen. Sari hori aurretik irabazitako Kataluniako 3 kopei gehitu zitzaien. Hurrengo urtean, eskuadraren historiako balentriarik garrantzitsuena gertatu zen, Katalunia Kopa, Liga eta Erreginaren Kopa irabazi baitzituen elkarren segidan, eta, hala, "estatuko hirukoa" lortu zuen.^[4] Partideta horretan Laura atezaintzan egon zen.^[5]

Prestatzaile fisikoa

Victor Valdés izatea amestu zuen umeak, Laura Ràfols,^[6] Bartzelona taldean 13 urte eman ondoren,^[7] 2018ko maiatzaren 30ean futbol profesionaletik erretiratuko zela iragarri zuen,^[8] 27 urte besterik ez zituela, fisioterapeuta etapa berri bati ekin nahi baitzion, eta Erregina Koparen finalean jokatu zuen azken partida, 1-0 irabazita.^[1] Gero, klubaren beheko kategorietarako prestatzaile fisiko lanetan hasi zen.^[1]

Selekzio nazionala

Ràfols izan zen 2008ko UEFA txapelketan parte hartu zuen 19 urtez azpikoen Espainiako selekzioaren atezainetako bat. Kataluniako selekzioaren buru ere izan zen.^[9]

Klubak

Kluba	Herrialdea	Denboraldiak
Bartzelona FC "B"	Espainia	2005 - 2007
Bartzelona FC	Espainia	2007 - 2018

Palmaresa

Txapelketa nazionalak

Tituloa	Taldea	Herrialdea	Urtea
Erreginaren Kopa	Bartzelona FC	Espainia	2011
Lehen maila	Bartzelona FC	Espainia	2012
Lehen maila	Bartzelona FC	Espainia	2013
Erreginaren Kopa	Bartzelona FC	Espainia	2013
Lehen maila	Bartzelona FC	Espainia	2014
Erreginaren Kopa	Bartzelona FC	Espainia	2014
Lehen maila	Bartzelona FC	Espainia	2015
Erreginaren Kopa	Bartzelona FC	Espainia	2017
Erreginaren Kopa	Bartzelona FC	Espainia	2018

Eskualdeko txapelketak

Títuloa	Taldea	Herrialdea	Urtea
Kataluniako Kopa	Bartzelona FC	Katalunia	2009
Kataluniako Kopa	Bartzelona FC	Katalunia	2010
Kataluniako Kopa	Bartzelona FC	Katalunia	2011
Kataluniako Kopa	Bartzelona FC	Katalunia	2012
Kataluniako Kopa	Bartzelona FC	Katalunia	2014
Kataluniako Kopa	Bartzelona FC	Katalunia	2015
Kataluniako Kopa	Bartzelona FC	Katalunia	2016
Kataluniako Kopa	Bartzelona FC	Katalunia	2017
Kataluniako Kopa	Bartzelona FC	Katalunia	2018

Erreferentziak

Kanpo estekak

Datuak: Q6499394
Multimedia: Laura Ràfols / Q6499394

[1]

[2]

[3]

[4]

[5]

[6]

[7]

[8]

[9]

Search