Lucía Martínez Odriozola

Lucía Martínez Odriozola
Bizitza
Jaiotza	Getxo, 1958
Herrialdea	Bizkaia, Euskal Herria
Heriotza	2021eko abuztuaren 14a (62/63 urte)
Hezkuntza
Heziketa	Euskal Herriko Unibertsitatea
Hizkuntzak	gaztelania
Jarduerak
Jarduerak	kazetaria eta unibertsitateko irakaslea
Enplegatzailea(k)	Euskal Herriko Unibertsitatea ; Pikara Magazine

Lucía Martínez Odriozola (Getxo, 1958 – 2021eko abuztuaren 14a) bizkaitar kazetaria izan zen. EHUko Kazetaritza Fakultatean irakaslea, Pikara Magazine aldizkari digital feministaren abiarazleetariko bat izan zen. Kazetaritzan genero ikuspegia txertatzeaen alde egin zuen.^[1]

Biografia

1983an, EHUko kazetaritza ikasketetako lehen promozioan ikasi zuen Martinez Odriozolak, eta, gerora, EHUko irakaslea ere izan zen. 2006an, Euskal Kazetarien Elkarteko lehendakari izendatu zuten.^[2]^[1]

Pikara aldizkariaren sortzaileetako bat ere izan zen, eta kazetaritza eta genero ikuspegia lantzeko hainbat elkarte eta jardunalditan parte hartu zuen.^[3]^[4]

Gauza batzuk behin esatearekin nahikoa eta horrek bizitza aldatzen dizu. Feminismoa horietako bat da. (Lucía Martínez Odriozola)^[5]

Genero ikuspegitik lan egiten duten Nazioarteko Kazetarien Sareko koordinatzailea izan zen eta Espainiako Kazetarien Elkarteen Federazioko (FAPE) presidenteordea ere. Halaber, azken urteetan hitzaldiak eman zituen Bizkaiko Ahalduntze Eskoletan.^[2]

Kazetari batek zerbaiti uko egin behar badio, hobe du lanez aldatzea. Eta, noski, egin behar du ere, halako batean bere etika edo zintzotasunari uko egiteko egoeran egonez gero. Une horretan, kazetari izateari utzi behar dio. (Lucía Martínez Odriozola)^[5]