Luixa Reizabal
Luixa Reizabal Arruabarrena (Donostia, 1964ko abuztuaren 1a) psikologo doktorea eta 1995etik EHUko Donostiako Psikologia Fakultateko irakaslea eta ikertzailea da. Besteak beste Genero berdintasunean hezteko gida. Familia, irakasle eta bestelako hezitzaileentzat liburua argitaratu du. Emakundek eskolako sexismoaz antolaturiko jardunaldietan ere parte hartu izan du.[1][2]
Luixa Reizabal | |
---|---|
Bizitza | |
Jaiotza | Donostia, 1964ko abuztuaren 1a (59 urte) |
Herrialdea | Gipuzkoa, Euskal Herria |
Hezkuntza | |
Heziketa | Euskal Herriko Unibertsitatea |
Doktorego ikaslea(k) | Izarne Lizaso Elgarresta |
Hizkuntzak | euskara |
Jarduerak | |
Jarduerak | unibertsitateko irakaslea eta psikologoa |
Enplegatzailea(k) | Euskal Herriko Unibertsitatea Euskal Herriko Unibertsitatea (1995eko martxoaren 21a - |
Lan nabarmenak | ikusi
|
Kidetza | Udako Euskal Unibertsitatea |
Ikerlaria
Garapenaren eta hezkuntzaren psikologiarekin zerikusia duten gaien irakaskuntzan zein ikerketan dabil lanean, bereziki hezkidetzan. EHUn eskuratu zuen Psikologiako lizentzia, eta 1995ean doktore-titulua lortu zuen "Bakearen dimentsio kulturala Euskal Herriko uste sistema eta pertzepzioetan" izenburuko tesia irakurrita.[3][4]
Argitalpenak
Inguma datu-basean ekarpen gehien dituen pertsonen artean dagoela, beti eskolako hezkuntza, pedagogia edo psikologiaren barruan, euskarazko honako liburuen idazketan parte hartu du:[5]
- Genero-berdintasunean hezteko gida. Familia, irakasle eta bestelako hezitzaileentzat (2015) UEU eta UPV/EHU.[6]
- Hezkuntza sozioemozionala eta ikaskuntza-zailtasunak: hezkuntza testuinguruetan aplikatzeko esku-hartzea. Joana Acha Morcillo-rekin (2012) UEU eta UPV/EHU.[7]
- Garapen psikologikoa helduaroan eta zahartzaroan. Izarne Lizasorekin, (2011) UEU.[8]
- Helduaroaren eta zahartzaroaren garapena. Izarne Lizasorekin (2011) UPV/EHU.[9]
- Gizarte-ezagutzaren garapena nerabezarora arte (2007) UEU.[10]
- Bakearen dimentsio kulturala Euskal Herriko uste sistema eta pertzepzioetan (1994) UPV/EHU.[11]
UEUkidea
Udako Euskal Unibertsitaean 1994an eman zuen Iruñean bere lehen ikastaroa. Hurrengo urtean Uztaro aldizkarian argitaratu zuen lehen artikulua eta 1997an lehen liburu-kapitulua. Une horretatik aurrera, estua izan da UEUrekin izan duen harremana eta egun, Eneko Mendiluze Plazarekin batera, Psikologia Saileko sailburua da.[12]
Erreferentziak
Kanpo estekak
- "Bakearen dimentsio kulturala Euskal Herriko uste sistema eta pertzepzioetan" TESIKER, Euskarazko tesiak. Eusko Jaurlaritza eta UEU.
- Elkarrizketa BERRIA egunkarian (2020.04.29) "Egoera gogorretan erresilientzia garatzen dute adineko askok"