Manuel Ziarsolo

Manuel Ziarsolo
Bizitza
Jaiotza	Bilbo, 1902ko urtarrilaren 1a
Herrialdea	Bizkaia, Euskal Herria
Heriotza	Bilbo, 1987ko irailaren 18a (85 urte)
Hezkuntza
Hizkuntzak	gaztelania; euskara
Jarduerak
Jarduerak	idazlea
Izengoitia(k)	Abeletxe

Manuel Ziarsolo Gironella, Abeletxe (Bilbo, Bizkaia, 1902ko urtarrilaren 1a - ib., 1987ko irailaren 18a) euskal idazlea izan zen.

Bizitza

Kirikiñoren babespean hasi zen euskaraz idazten, Euzkadi egunkarian. Eguna egunkariko zuzendaria izan zen gerra garaian. Bestalde, Ekin, Euzko, Gudari, Erri, Jagi-Jagi, Bizkaitarra, Anaitasuna eta Euzko-Gogoa agerkarietan eman zituen argitara lan aipagarrienak, eta Zeruko Argia aldizkariko Gazi-gezak umorezko atalaren egilea izan zen; 1976an, ipuin haiek bildu eta argitara eman zituen. 1956an, Eguberri-aizeak antzerki-lanari esker (Pedro Ignazio Barrutiaren Acto para la noche buena obraren egokitzapena) jaso zuen antzerki-saria. Ziarsolorenak dira, halaber, Bertsolari sariketa eta Gogozar Berbizkunde goizean antzezlanak. Antzezlan ugari utzi zuen argitaratu gabe. Euskaltzain urgazlea izan zen.

Lanak

Narrazioa

Gazi-gezak (1975, Edili)

Antzezlanak

Ekitaldi batekoak gehienak:

Eguberri-aizeak, 1956, Egan
Bertsolari sariketa, 1959
Gogozar Berbizkunde goizian, 1959
Afal orduan
Agur Donibane
Artzaiñaren ametsa
Atsoa gaztetu bear dogu
Bermioko portuan
Eztegu ta erdi
Gabon gabonetan
Gogozar Berbizkunde goizean
Goiz otoia
Jai arratsalde baten
Jai-aurrekoa
Katalin Errotako
Parisen gogo txarrez
Saku jantzia
Sorgiñak Etxaburun

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.