Melissa Benoist

Melissa Benoist
	; Irudi gehiago
Bizitza
Jaiotzako izen-deiturak	Melissa Marie Benoist
Jaiotza	Houston, 1988ko urriaren 4a (35 urte)
Herrialdea	Ameriketako Estatu Batuak
Bizilekua	Abeokuta (en) ; Denver
Lehen hizkuntza	ingelesa
Familia
Ezkontidea(k)	Blake Jenner (2013, 2015 - 2017ko abendua); Chris Wood (2019ko irailaren 1a -
Hezkuntza
Heziketa	Arapahoe High School (en) 2007) ; Marymount Manhattan College (en) 2011) Artean graduatu : theater arts (en)
Hizkuntzak	ingelesa; Irlandako gaelera
Jarduerak
Jarduerak	aktorea, abeslaria, dantzaria, telebista zuzendaria, ahots-aktorea, telebista-ekoizlea eta zinema ekoizlea
Altuera	1,73 metro
Lan nabarmenak	ikusi Supergirl (telesaila); Glee; Beautiful: The Carole King Musical (en) ;
Genero artistikoa	pop musika
Ahots mota	mezzosopranoa
Musika instrumentua	ahotsa

Melissa Marie Benoist (Houston, 1988ko urriaren 4a) aktore estatubatuarra da. Supergirl pertsonaiaren rola hainbat telesailetan betetzeagatik da ezaguna, baina aurrez Glee telesailaren 5. denboraldian aktore nagusia izan zen. Antzerkiari dagokionez Broadwayn debuta egin zuen 2018an.

Biografia

Gaztaroa

Melissa Benoist Houstonen jaio zen, Texasen^[1]. Aita Jim Benoist fisikaria zuen, frantziar jatorrikoa. Gaztea zela gurasoak banandu egin ziren eta amarekin Denver hirian (Colorado) hazi zen^[2].

Hiru urte zituela dantza klaseak hartzen hasi zen eta nerabezaroan Littleton (Colorado) hiriko Antzerki akademiarekin Disneylanden hiru udatan musikaletan hartu zuen parte. Littletongo antzerki akademiarekin antzezlan asko egin zituen^[3], bai eta Denverreko Town Hall Arts Centerren ere. Institutuko jaialdietara joan beharrean Evita antzeztu zuen Country Dinner Playhousen^[3]. 2007an graduatu ondoren New Yorkera joan zen antzerki musikaletan ibilbidea egiteko asmoarekin^[4]. 2011 urtean Marymount Manhattan Collegen Antzerki Artetan graduatu zen.

Ibilbide profesionala

Parte hartu zuen aurreneko filma Tennessee izan zen, Mariah Carey protagonista zuen. Hurrengo urteetan telesail batzutan agertu zen atal bakarrean. 2012an Glee telesailean hartu zuten eta laugarren sasoian ohiko aktorea izan ondoren 5. sasoian protagonistetako bat bihurtu zen. 2014an Whiplash filmean paper garrantzitsua izan zuen. Hiru Oscar Sari jaso zituen filmak, muntatze onena, soinu onena eta taldeko gizonezko onena izan baitzen.

2015ean Supergirl telesaileko protagonista izateko aukeratu zuten^[5]. Kara Danvers eta Supergirl pertsonaia bikoitza egin zuen. Arrakasta handia izan zuen telesailak eta emakumezko superheroi batek lortzen zuen aurreneko prime-timea izan zen 1979ko Wonder Woman teleailaz geroztik^[6]. Honi lotuta hainbat telesailetan hartu du parte Kara Danvers eta Supergirl pertsonaiak interpretatuz.

Hainbat filme ere egin ditu, Patriots Day eta Jay and Silent Bob Reboot esate baterako. Azken honetan bere burua interpretatzen du.

Bizitza pertsonala

Eskolako aurreneko seihilekoan bizikletan zihoala taxi batek atzetik jo eta erori egin zen. Ordutik orbana dauka bekainean^[7]. Hori dela eta bizikleta baten tatuaia egin zuen oinean^[8]. 2015ean ezagutzera eman zuen Glee telesaileko korpotagonistarekin ezkondua zegoela, Blake Jenner aktorearekin^[9], baina 2017an dibortziatu egin ziren^[10]. Dirudienez harreman eskasa zuten bien artean, bortxakeria kasuak ere aipatu zituen^[11].

2017an Chris Wood-en "I Don't Mind" webgunean gaixotasun mentalen estigma geldiarazteko lanean ari dela, onartuaz 13 urte zituenetik depresioa eta antsietate arazoak izan dituela^[12]. 2019an Chris Woodekin ezkondu zen^[13] eta 2020an haur baten esperoan daudela zabaldu dute^[14].

Filmografia

Filmeak

Urtea	Filma	Pertsonaia
2008	Tennessee	Laurel
2014	Whiplash	Nicole
2015	Band of Robbers	Becky Thatcher
	Danny Collins	Jamie
	The Longest Ride	Marcia
2016	Lowriders	Lorelai Baker
2016	Patriots Day	Katherine Russell
2017	Billy Boy	Jennifer
2017	Sun Dogs	Tally Petersen
2019	Jay and Silent Bob Reboot	Bere burua
2022	Clerks III	Auditioner

Telebista

Urtea	Telesaila	Pertsonaia	Oharrak
2010	Blue Bloods	Renee	Atal bakarra
	The Good Wife	Molly	Atal bakarra
	Law & Order: Criminal Intent	Jessalyn Kerr	Atal bakarra
	Law & Order: Special Victims Unit	Ava	Atal bakarra
2011	Homeland	Stacy Moore	2 atal
2012–2014	Glee	Marley Rose	ohikoa 4. sasoian eta protagonista 5. sasoian
2015–2021	Supergirl	Kara Danvers / Supergirl	Protagonista
2016–2020	Arrow	Kara Danvers / Supergirl	Ohiko aktorea
2016–	The Flash	Kara Danvers / Supergirl	Ohiko aktorea
2016–	Legends of Tomorrow	Kara Danvers / Supergirl	3 atal
2018	Waco	Rachel Koresh	Telesail laburra
2019	Batwoman	Kara Danvers / Supergirl	Atal bakarrean
2020	Robot Chicken	Laura, Malorie Hayes	Ahotsa, atal bakarrean
2024	Master of the Universe: Revolution	Teela	ahotsa
	Girls on the Bus	Sadie McCarthy	Protagonista eta ekoizlea

Websaila

Urtea	Websaila	Pertsonaia	Oharrak
2017-2018	Freedom Fighters: The Ray	Kara Zor-El / Overgirl (ahotsa)	Supergirl-en Earth-X bertsioa

Antzerkia

Urtea	Antzezlana	Pertsonaia
2000	The Sound of Music	Brigitta von Trapp	Country Dinner Playhouse
2003	The Sound of Music	Liesl von Trapp	Littleton Town Hall Arts Center
2006	Bye Bye Birdie	Kim McAfee	Littleton Town Hall Arts Center
	A Chorus Line	Bebe Benzenheimer	Littleton Town Hall Arts Center
	A Month in the Country	Vera Aleksandrovna	Littleton Town Hall Arts Center
2007	Evita	Perónen maitalea	Country Dinner Playhouse
	Footloose	Ariel Moore	Littleton Town Hall Arts Center
	Rodger and Hammerstein's Cinderella	Errauskine	Littleton Town Hall Arts Center
2009	As You Like It	Rosalind	Theresa Lang Theatre
2009	Thoroughly Modern Millie	Millie Dilmount	Marymount Manhattan College
2011	The Unauthorized Biography of Samantha Brown	Kelly	Goodspeed Musicals
2018	Beautiful: The Carole King Musical	Carole King	Stephen Sondheim Theatre
2018	Terms of Endearment	Emma Greenway-Horton	Geffen Playhouse

Sariak

Urtea	Saria	Kategoria	Telesaila	Emaitza
2013	Teen Choice Awards	Izar debutaria	Glee	izendapena
2016	Saturn Awards	Telesaileko emakumezko aktore onena	Supergirl	izendapena
2016	Saturn Awards	Debutaria	Supergirl	irabazi
2017	Saturn Awards	telesaileko emakumezko aktore onena	Supergirl	irabazi
	Teen Choice Awards	akziozko TV emakumezko aktore onena	Supergirl	irabazi
		Liplock aukeratua (Chris Woodekin)	Supergirl	izendapena
		TV Ship aukeratua (Chris Woodekin)	Supergirl	izendapena
2018	Saturn Awards	Telesaileko emakumezko aktore onena	Supergirl	izendapena
2018	Teen Choice Awards	akziozko TV emakumezko aktore onena	Supergirl	irabazi
2019	Saturn Awards	Telesaileko emakumezko aktore onena	Supergirl	irabazi
2019	Teen Choice Awards	akziozko TV emakumezko aktore onena	Supergirl	izendapena
2021	Critics' Choice Super Awards	Superheroien telesaileko emakumezko aktore onena	Supergirl	irabazi
2021	Saturn Awards	Telesaileko emakumezko aktore onena	Supergirl	izendapena

Erreferentziak

Kanpo estekak

Aktorearen IMDBko fitxa irakurgai (Ingelesez)

Datuak: Q46677
Multimedia: Melissa Benoist / Q46677

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

Search