Miel Anjel Elustondo

Miel Anjel Elustondo
Bizitza
Jaiotza	Azpeitia, 1958ko martxoaren 25a (66 urte)
Herrialdea	Gipuzkoa, Euskal Herria
Bizilekua	Gasteiz
Hezkuntza
Hizkuntzak	euskara; ingelesa; gaztelania
Jarduerak
Jarduerak	kazetaria, elkarrizketatzailea, idazlea eta argazkilaria
Jasotako sariak	ikusi Rikardo Arregi saria (2022) ;

Miel Anjel Elustondo Etxeberria (Azpeitia, 1958ko martxoaren 25a) gipuzkoar kazetaria, elkarrizketatzailea, argazkilaria eta idazlea da.^[1] Hamarkada batzuk eman ditu kazetaritzan eta hamaika elkarrizketa argitaratu ditu, Argia aldizkarian eta Berrian besteak beste. Elkarrizketa horietako protagonisten argazkien sinatzailea Zaldi Ero izaten da; Zaldi Ero Miel Anjel Elustondok bere argazkiak sinatzeko erabili ohi duen goitizena da.

Irakaskuntzan, argitaletxe-munduan eta hainbat irrati- zein telebista-saiotan (Sautrelaren sustatzaile eta gidoilari izan da) parte hartu du.^[2]

Euskarara ekarri ditu Jim Thompson idazle eta gidoilari estatubatuarraren hiru eleberri (Hiltzailea nire baitan, Amorruaren ume eta Litxarreroak), hirurak Igela etxean, eta sorkuntzan ere aritua da. Western Basque Festival (Susa, 2007) eta "William A. Douglass, Mr. Basque " (Pamiela, 2011) idatzi ditu besteak beste.^[2]

Idazlanak

Migel Angel Elustondo^[4], lehen idazlanak (Ahotsak.eus proiekturako)

Narrazioa

Kezko bola batek itoak birikak (2019, Txalaparta)

Kronika

Western Basque Festival (2007, Susa)^[5]

Biografiak

William A. Douglas: Mr. Basque (2011, Pamiela)
Gotzon Garate Goiartzun (1934-2008) (Eusko Jaurlaritza, Bidegileak,2009)^[6]
Federiko Baraibar Zumarraga (1851-1918) (Eusko Jaurlaritza, Bidegileak,2008)^[7]^[8]
Justina Aldalur Iruretagoiena (1922) (Eusko Jaurlaritza, Bidegileak, 2008)^[9]
Lurdes Arrieta (1958-2005) (Eusko Jaurlaritza, Bidegileak, 2008)^[10]^[11]
Eusebio Osa: (1936-1993) (Eusko Jaurlaritza, Bidegileak, 2008)^[12]^[13]

Elkarrizketa

Zozoen elea (2012, Utriusque Vasconiae)

Itzulpenak

Heather Morris: Auschwitzeko tatuatzailea, jatorrizko izenburua: The Tattowist of Auschwitz, (2019, Alberdania)

Sariak

2022an Rikardo Arregi kazetaritza saria jaso zuen BERRIAn argitaratutako 'Tonban ehortzirik' elkarrizketa sortagatik.^[14] Asmatutako bost elkarrizketa hauek argitaratu zituen sorta horretan:^[15]