Migel Gallastegi
Migel Gallastegi Ariznabarreta (Eibar, Gipuzkoa, 1918ko otsailaren 25a - Donostia, 2019ko urtarrilaren 4a) esku huskako pilotari profesionala izan zen. Atzelari jokatzen zuen. 1936ko ekainaren 29an, hamazazpi urte zituela, Eibarko Astelena pilotalekuan debutatu zuen. Buruz buruko txapelduna izan zen 1948, 1950 eta 1951. urteetan.
| Migel Gallastegi | |
|---|---|
.JPG) | |
| Bizitza | |
| Jaiotzako izen-deiturak | Miguel Gallastegui Ariznavarreta |
| Jaiotza | Eibar, 1918ko otsailaren 25a |
| Herrialdea |  Gipuzkoa, Euskal Herria |
| Heriotza | Donostia, 2019ko urtarrilaren 4a (100 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | pilotaria |
| Pilota | |
| Pisua | 92 kilogramo |
| Zerbitzu militarra | |
| Adar militarra | Eusko Gudarostea |
| Parte hartutako gatazkak | Espainiako Gerra Zibila |
  | |
Bizitza
Eibarko Asola-Igartza ( Asoliartza) baserrian jaio zen, Amaña auzoan. Bere garaiko umerik gehienak bezala, txiki-txikitatik hasi zen pilotan jokatzen, baina berehala ikusi zen profesional izateko gaitasun apartak zituela. 14-15 urte zituela, Isasi kaleko Kiputxanekua pilotalekuan hasi zen jokatzen eta entrenatzen; berehala, Astelenan ere hasi zen entrenatzen. Hemezortzi urte zituela debutatu zuen 1936. urtean, baina gerrak harrapatu zuen.[2] Gerra amaituta eta sasoi betean, 1940ko eta 1950eko hamarkadetan nagusi izan zen Euskal Herri osoan. Buruz buruko hiru txapelketa nagusi irabazi zituen (1948, 1950 eta 1951) eta dozenaka partida jokatu (eta irabazi) zituen bikoteen eta hirukoteen aurka.[3]
Buruz buruko finalak
| Urtea | Txapelduna | Txapeldunordea | Emaitza | Pilotalekua |
|---|---|---|---|---|
| 1948 | Gallastegi | Atano III.a | 22-06 | Bergarako pilotalekua |
| 1950 | Gallastegi | Akarregi | 22-15 | Astelena |
| 1951 | Gallastegi | Akarregi | 22-14 | Bergarako pilotalekua |
| 1953 | Barberito I.a | Gallastegi (1) | - | - |
(1) Jokatzeari uko egin zion.
Erreferentziak
Kanpo estekak
- «Migel Gallastegi Ariznabarreta», Egoibarra.eus.
- «Migel Gallastegi Ariznabarreta», Ahotsak.eus.
Datuak: Q4892496
Multimedia: Miguel Gallastegui / Q4892496
