Mikel Sagarzazu

Oñatin jaio zen^[1]. 11 urte zituela, Asperger sindromea (autismo mota bat) diagnostikatu zioten^[2][4]. Bere esanetan, diagnostikoak balio izan zion. Uste du autismoa ez dela konpondu eta sendatu behar, baizik eta bizitzeko modu egokia aurkitu^[2].

Eskolan graduatu ostean, informatika ikasi zuen Mondragon Unibertsitatean^[5][6] eta praktikak egin zituen hainbat enpresatan, baina zailtasunak izan zituen lana aurkitzeko^[6]. Orduan antzerkigintza ikasten hasi zen^[7][2] eta bi filmetan antzeztu zuen^[8]. Gerora konturatu zen bikoizketak egitea ere gustuko zuela^[7]. Mikelen ustez, bikoizketak modu ez-monotonoan hitz egiten ikasten lagundu zion^[2]. COVID-19 pandemia garaian, etxeko estudioan grabaketak egiten jarraitu zuen^[9]. 2022an, protagonista bikoiztu zuen Hooper oilasko erbia filmaren euskarazko bertsioan^[10].

Aktore ibilbideaz gain, itzultzaile lanetan dabil. Euskara, gaztelania eta ingelesa menperatzen ditu^[3]. Gainera, Gureak Marketingen lan egiten du editore gisa eta Gautena erakundean antzerkigintza irakasten du^[5].