Nekane Intxaurtza
Nekane Intxaurtza Etxebarria (Igorre, Bizkaia, 1965eko uztailaren 12a) politikaria eta editorea da. Dimako (Bizkaia) emakumezko lehen alkatea izan da,[1] eta Udako Euskal Unibertsitateko argitalpenen arduraduna da 1990etik.[2]
Nekane Intxaurtza | |||
---|---|---|---|
2015 - 2019 | |||
Bizitza | |||
Jaiotza | Igorre, 1965eko uztailaren 12a (58 urte) | ||
Herrialdea | Bizkaia, Euskal Herria | ||
Bizilekua | Dima | ||
Familia | |||
Seme-alabak | ikusi | ||
Hezkuntza | |||
Hizkuntzak | euskara gaztelania | ||
Jarduerak | |||
Jarduerak | politikaria eta editorea | ||
Enplegatzailea(k) | Udako Euskal Unibertsitatea | ||
Kidetza | Udako Euskal Unibertsitatea |
Dimako alkatea (2015-2019)
2015eko maiatzaren 24ko hauteskundeetako emaitzen ondorioz, EH Bildu koalizioaren izenean hautatu zuten alkate.[3][4]
Dimako Udalak, 2015ean zuen milioi bi eta erdiko zorra kitatu zuen, Intxaurtza alkate izan zen lau urtean.[5]
2015etik 2019ra bitarte, Dimako alkatea zela, UEMAren eragileetako bat ere izan zen.[1]
Argitalpenen arduraduna (1990.etik)
Euskaraz 400 liburutik gora plazaratu duen Udako Euskal Unibertsitateko argitalpenen arduraduna da Intxaurtza 1990etik, ia hasiera-hasieratik.[2][6] UEUk 440 liburu argitaratu ditu 2020 urtera arte, 300 liburu 1990tik, batez beste urtero 10 liburu.[7]
Uztaro aldizkari zientifikoaren idazkaria ere bada Intxaurtza.[8]