Olatz Altuna Zumeta
Olatz Altuna Zumeta (Usurbil, Gipuzkoa, 1971ko uztailaren 31) gipuzkoar soziologo eta soziolinguista da. Euskararen egoera soziolinguistikoa ezagutzeko metodologien eta datuen azterketan aditua da.
| Olatz Altuna Zumeta | |
|---|---|
 Olatz Altuna eta Maialen Iñarra, Berria (2022-05-28) | |
| Bizitza | |
| Jaiotza | Usurbil, 1971ko uztailaren 31 (52 urte) |
| Herrialdea |  Gipuzkoa, Euskal Herria |
| Jarduerak | |
| Jarduerak | soziolinguista |
 | |
Bizialdia
Soziologian eta Zientzia Politikoetan lizentziatua Euskal Herriko Unibertsitatean. Hizkuntza Plangintza graduondoko (HIZNET) irakaslea. Soziolinguistika Klusterrean dihardu euskara biziberritzeko ikerketa, garapen eta berrikuntza proiektuetan. Euskal Herriko Hizkuntzen Erabileraren Kale-Neurketaren koordinatzailea eta zuzendaria da 1997tik.
Altunaren iritziz, 30 urteko ibilbidea ikusita, erabilerak gora egin du, baina 2022an baino handiagoa zen 2006an; bestalde, erabilerak beheranzko joera zuen 2016an, eta hori 2022an eten izanari balioa eman behar zaiola. 30 urteko bilakaera horretan bi puntuko gorabeherak baino ez da agertzen. Oso marjina txikia da. Erabileraren aldagaia mugitzea ez da erraza; hizkuntza ohiturek, aldagai demografikoek eta beste hainbatek eragiten baitute. Hala ere, aldaketa handi bat emateko, Altunak uste du birpentsatu behar direla biziberritze prozesuan egiten diren egitasmoak, zerk izan duen arrakasta eta zerk ez.[2][2]
Josemi Zumalabe Fundazioan lan egiten zuela, Baltasar Garzón epaile espainiarrak kartzelara bidali zuen ezker abertzaleko beste 46 pertsonarekin batera Ekin kasua zela eta. Ekin kasuaren makroepaiketa, urte eta erdi iraun zuena, 2005eko azaroan hasi zen, eta 56 prozesatu ziren aulkian, ETAko kide izatearen akusaziopean edo banda armatuko zuzendaritzaren aginduak betetzeagatik. Kartzelan urte batzuk egon eta gero, azkenean 2009an, Espainiako Epaitegi Gorenak absolbitu zituen eta kalera atera ziren. Auzitegi Gorenak gogor kritikatu zuen Audientzia Nazionalak emandako epaia, ulertu baitzuen ezarritako zigorrak baimendutakoaren mugan jarri zirela, eta epaiak ez zuela halakorik justifikatu.[3]
Lanak
Liburua
2001ean Euskalkia eta hezkuntza liburua argitaratu zuen Euskal Herri osoko hainbat aditurekin batera (Xole Aire, Olatz Altuna , Estibaliz Amorrortu, Xabier Amuriza, Ane Barruso, Begoña Bilbao Bilbao, Juan Martin Elexpuru, Gillermo Etxeberria, Gurutze Ezkurdia , Iñaki Gaminde, Juan Luis Goikoetxea, Xabier Isasi, Martta Laco, Julian Maia, Oihana Munduate, Fernando Olabarrieta, Karmele Perez , Alazne Petuya, eta Margarita Rekarte).[4]
Artikuluak
Hainbat artikulu argitaratu ditu soziolinguistikaz, gehienak BAT aldizkarian baina Euskaltzaindiaren EUSKERA aldizkarian ere badira batzuk. Hauek dira horietako :artikulu batzuk:[5]
| Izenburua | Egileak | Aldizkaria | Urtea |
| Gazteak euskararen eszenatokian: erabileraren auzia[6] | Olatz Altuna Zumeta, Jone Miren Hernandez Garcia | BAT | 2021 |
| Euskaldunon dentsitateak zer-nolako eragina du euskararen kale-erabileran? | Olatz Altuna Zumeta | BAT | 2018 |
| “Mintzajardunaren azken urteotako bilakaera. Aurrera begirako erronkakâ€. Mikel Zalbideren txostenari iruzkinak | Olatz Altuna Zumeta | BAT | 2016 |
| Euskararen ahozko kale-erabilera: erronkak[1] | Maialen Iñarra Arregi, Olatz Altuna Zumeta | EUSKERA | 2016 |
| Hizkuntza-erabileraren neurketaren metodologia | Olatz Altuna Zumeta, Asier Basurto Arruti | BAT | 2012 |
| Hizkuntzen Kale-erabileraren VI. Neurketa, 2011. Emaitza nagusiak | Olatz Altuna Zumeta, Xabier Isasi Balanzategi, Iñaki Iurrebaso Biteri, Iñaki Martinez de Luna Perez de Arriba, Rosa Ramos Alfaro, Belen Uranga Arakistain | BAT | 2012 |
| Euskararen kale erabilera Gasteizen | Olatz Altuna Zumeta | EUSKERA | 2011 |
| Euskararen ezagutza eta erabilera. Datuak zer diote? | Olatz Altuna Zumeta, Itziar Elortza , Fermin Lazkano , Erramun Osa Ibarloza | BAT | 2009 |
| Euskal Herriko kale erabileraren neurketa. Ikerketaren nondik norakoak | Olatz Altuna Zumeta | BAT | 2007 |
| Euskararen datu-basea -EDB 1.0- www.sortu.org/edb | Olatz Altuna Zumeta, Iñaki Iurrebaso Biteri | BAT | 2004 |
| Euskaini: euskarazko eskaintzaren adierazlea | Olatz Altuna Zumeta, Pablo Suberbiola Unanue | BAT | 2003 |
| Erabileraren IV kale neurketa. Emaitzen azterketa | Olatz Altuna Zumeta | BAT | 2002 |
| Erabileraren kale neurketa. Ibilbidea eta metodologia | Olatz Altuna Zumeta | BAT | 2002 |
| Euskal Herri mailako erabileraren laugarren kale neurketa abian | Olatz Altuna Zumeta | BAT | 2000 |
| Euskararen kale erabilpena Euskal Herrian | Olatz Altuna Zumeta | BAT |
Erreferentziak
Ikus, gainera
Kanpo estekak
- Kafe Garaia 01 Olatz Altuna Zumeta(Noauatb-Youtube, 2021-06-23) NOAUA! aldizkariaren lehen zuzendaria izan zen.
Datuak: Q112704423
