Orojale

Orojaleak edo omniboroak animaliez zein landareez elikatzen diren izaki bizidunak dira^[1]. "Denetatik jaten duena" esan nahi du omniboro hitzak.

Animalia hauek oportunistak dira eta bere digestio-aparatua edozein elikagai aprobetxatzeko gai da. Animalia-multzo ezberdinetatik eboluzionaturiko animaliak dira. Lehendabiziko ornodunak hasieran iktiofagoak, gero intsektiboroak, haragijaleak eta azkenekoz belarjaleak izan ziren^[2]. Haragijale asko landarez elikatzen dira, nahiz eta haien lehendabiziko iturria haragia izan.