Paige Layle
Paige Hennekam, Paige Layle izenez ezagunagoa, (Kawartha Lakes, 2000ko abuztuaren 2a) kanadar kosmetologo eta aktibista da, pertsona neurodibergenteen eskubideen alde borrokatzen dena.
Paige Layle | |
---|---|
Bizitza | |
Jaiotzako izen-deiturak | Paige Hennekam |
Jaiotza | Kawartha Lakes (en) , 2000ko abuztuaren 2a (23 urte) |
Herrialdea | Kanada |
Hezkuntza | |
Hizkuntzak | ingelesa |
Jarduerak | |
Jarduerak | TikToker (en) , aktibista, youtuberra eta disability rights activist (en) |
Bizitza
Kawartha Lakesen jaio zen 2000n. 15 urte zituela, bere buruaz beste egiten saiatu zen. Gero autismoa[1][2], nahasmendu obsesibo-konpultsiboa[3] eta arreta-defizitaren eta hiperaktibitatearen nahasmendua[4] diagnostikatu zizkioten.
TikTok «txantxetan» instalatu ostean[5], 2020ko martxoan hasi zen bideoak egiten[1], autistak iseka egiten zituen audioklipa bat entzun ondoren[6]. Neska autistei buruzko lau zatiko bideo-sail bat sortu zuen ohikoak diren uste okerrak konpontzeko[4]. 2020an eta 2021ean, beste pertsona autista batzuekin bat egin zuen Siaren Music filmaren inguruko polemika aztertzeko[7].
2021ean, Laylek eta beste aktibista batzuek Mark Roberrek NEXT for AUTISM erakundearen alde abian jarritako Color the Spectrum: A Livestream to Support the Autism Community diru-bilketa kritikatu zuten. NEXT kritikatu zuen Autism Speaks erakundea finantzatzeagatik, autismoa «sendatzeko» saiatzen dena. Color the Spectrumi aurre egiteko, Autistic Self Advocacy Network erakundearen aldeko diru-bilketaren zuzeneko erreprodukzioa egun eta ordu berean antolatzea aurreikusi zuten[8][9]. Zuzeneko erreprodukzioa bertan behera utzi zuten, ASANek Autistic, Typing sortzaile indigenaren lana plagiatzegatik[10].
2022an, Laylek Wendy Walkerrek idatzi eta Audiblek ekoitzitako American Girl audio-liburuaren grabaketan parte hartu zuen[11].
2023ko abendurako, Laylek 2,6 milioi jarraitzaile zituen TikToken[12][13] eta 131.000 jarraitzaile Instagramen[14].
Layle pansexuala da[15] eta she/they izenordainak erabiltzen ditu[16]. Kawartha Lakesen bizitzen jarraitzen du eta kosmetologo gisa egiten du lan[17][18].