START Berria

START Berria
Mota	tratatu
Denbora-tarte	2011ko otsailaren 5a - 2021eko otsailaren 5a
Data	2010eko apirilaren 8a
Indarrean sartze	2011ko otsailaren 5a
Garaia	2011ko otsailaren 5a – 2023ko otsailaren 21a
Kokaleku	Praga
Herrialdea	Ameriketako Estatu Batuak eta Errusia
Parte-hartzaileak	Errusia Ameriketako Estatu Batuak
Sinatzailea	Ameriketako Estatu Batuak Errusia Dmitri Medvedev Barack Obama
Lanaren edo izenaren hizkuntza	ingeles eta errusiera
Lan osoa eskuragarri	2009-2017.state.gov…

START Berria edo CHB-III (errusieraz, сокращение стратегических наступательных вооружений edo SNV-III; lit. "arma estrategiko ofentsiboen murrizpena") Estatu Batuen eta Errusiako Federazioaren arteko arma nuklearrak murrizteko tratatua da, 2010eko apirilaren 8an sinatu zena, Pragan.^[1] Ostean, berretsi ondoren, 2011ko otsailaren 5ean sartu zen indarrean.^[2][3][4][5] Errusiak Tratatuan parte hartzeari utzi zion 2023ko otsailaren 21ean.

START Berriak Moskuko Ituna (SORT modura ere ezaguna) ordeztu zuen, eta 2012ko abenduan amaituko zena. SORTek, aldi berean, START I ituna –2009ko abenduan amaitu zena– proposatutako START II ituna – inoiz indarrean jarri ez zena– eta START III ituna –negoziazioak inoiz amaitu ez zituena– ordezten zituen.

Tratatuak misil nuklear estrategikoen jaurtitzaile-kopurua erdira murriztea eskatzen zuen; halaber, ikuskapen- eta egiaztapen-erregimen berri bat ezartzea behartzen duen, SORT-mekanismoa ordezkatuko zuena. Hala ere, ez zuen mugatzen erabil daitezkeen ojiba nuklear ez-aktiboen kopurua, milaka goratuetan kokaturiko zenbakia.^[6]