Xanti Vicente Altxu
Xanti Vicente Altxu, Madelon ezizenez ezaguna (Errenteria, 1959ko irailaren 16a - Ib. 2006ko otsailaren 25a) LGBTI pertsonen eskubideen aldeko ekintzailea izan zen.
| Xanti Vicente Altxu | |
|---|---|
| Bizitza | |
| Jaiotza | Errenteria, 1959ko irailaren 16a |
| Herrialdea |  Gipuzkoa, Euskal Herria |
| Heriotza | Errenteria, 2006ko otsailaren 25a (46 urte) |
| Jarduerak | |
| Jarduerak | LGBT ekintzailea |
| Kidetza | Euskal Herriko Gay-Les Askapen Mugimendua |
Euskal Herrian LGBTI pertsonen eskubideen aldeko borrokan engaiatu zen lehen aktibistetatakoa izan zen 1979 urtean, Vicente Vadillo Santamaría, Francis-en, Errenterian bizi zen trabestia, polizia nazionalak hil ondoren. Gertaera hauengatik poliziaren aurkako epaiketa egiten ari ziren garaian, 1982ko abenduaren 21ean, Xanti Vicente Altxu bi orduz bahitua izan zen Errenterian. Atxikipenean zehar gorputza kristalez markatu, jipoitu eta galdeketa egin zioten.[1]
Gipuzkoako EHGAMen sortzaileetako bat izan zen. Euskal Herriko gay askapen mugimenduaren aitzindarietako bat izan zen.[2] Gizarte Arriskugarritasuna izeneko legearen aurka eta apostasiaren alde egin zuen, eta EHGAM mugimenduak eginiko jardueretan aurpegi ezagunetako bat izan da. Estatu espainoleko Askapen Homosexualerako Mugimenduan ere parte hartu zuen EHGAMen izenean.[3]
Zintzilik Irratian lan egin zuen, Errenteriako Txintxarri elkarteko kide izan zen, urte askoan bere auzoko jaiak, Gaztaño auzoa, antolatu zituen eta Errenteriako memoria historikoa berreskuratzen lagundu zuen.[4]
Omenaldiak
2006 urtean "Milaka luma, Altxu gogoan" omenaldi jendetsua egin zitzaion Errenterian.[5][1]
2012 urtean, bizilagunen proposamena kontuan hartuta, Errenteriako Udalak Gaztaño pasealekuari Altxu kalea izena eman zion.
Madelon literatur sariketa: EHGAMek Madelon gazteentzako literatur lehiaketa antolatzen du, Xanti Altxuren omenez. Sari hauen helburua da LGTB borroka eta bisibilitatea bultzatu eta ikustaraztea.[2]
Erreferentziak
Kanpo estekak
Datuak: Q117196292
