Yolanda Mazkiaran
Yolanda Mazkiaran Zelaia (Altsasu, Nafarroa Garaia, 1963ko irailaren 21a) dokumentalgilea eta irakaslea da.[1] Hainbat dokumental egin ditu bere ibilbidean zehar, baita sariak jaso ere. 2020an Anderea dokumental luzea egin zuen.
| Yolanda Mazkiaran | |
|---|---|
 | |
| Bizitza | |
| Jaiotza | Altsasu, 1963ko irailaren 21a (60 urte) |
| Herrialdea |  Nafarroa Garaia, Euskal Herria |
| Hezkuntza | |
| Heziketa | Euskal Herriko Unibertsitatea |
| Hizkuntzak | euskara gaztelania |
| Jarduerak | |
| Jarduerak | dokumentalgilea eta irakaslea |
Biografia
Yolanda Mazkiaran Magisteritzan diplomatua da Euskal Filologia espezialitatean eta Ingeles Filologian lizentziatua EHUn. Doktoretza ere egina du Gasteizen EHUn (Tesia, amaitzear "The Narrative Structure of Rupturist Cinema"). Filmagintza ikasi zuen Londresen, Beaconsfield film School-en eta BBCn lan egin zuen. Bertan burutu zuen bere lehenengo laburmetraia Homeless in London, 90eko hamarkadaren hasieran Londresen kale gorrian bizi zirenei buruzko lana.
Londrestik bueltan master bat egin zuen Gasteizen, EHUk eta CINT-ek antolatua. Bi urtetan izan zen Nafarroako dokumental zuzendaririk onena. Laburmetraia asko egin ditu, sari batzuk ere jaso ditu. Bideo eta argazkigintza ikastaroak eman ditu Nafarroako hainbat herritan. Euskara irakatsi du Gasteizko IKA euskaltegian eta Altsasuko AEKn.
Ogibidez Ingeles irakaslea da. 1997tik irakatsi du ingelesa Eusko Jaurlaritzako eta Nafarroako zenbait Institututan, Hizkuntza Eskola Ofizialetan eta LH eskoletan.
2020an dokumental luze egin zuen Anderea, Euskal mitologiako Mariri buruzkoa, erabat auto gestionatua.[2]
Filmografia
- Anderea. 72 . Dokumental luzea. Zuzendaritza, Produkzioa eta Muntaia. (2020)[1][3][4]
- Sendabelarrak, Uda BerriON, Mari, Ama Gurea, Heldu dire sorginak, Kateak,[2][5][6] Suaren dantza. Zuzendaritza, Produkzioa eta Muntaia. (2015-2020)
- Emakume izena. Dokumentala. Zuzendaritza, Produkzioa eta Muntaia. (2008)
- La Llorona. Laburmetraia. Produktorea.(2004)
- Hyde&Jekyll . Laburmetraia. Produktorea. (2000) Irungo eta Valenciako zine festibaletan saritua.[7]
- San Ferminak 98. Dokumentala. Zuzendaritza, Produkzioa eta Muntaia
- Zoroak. Dokumentala. Zuzendaritza, Produkzioa eta Muntaia.[7]
- Londresko Eskaleak. Dokumentala. Zuzendaritza, Produkzioa eta Muntaia (1995)
- Alsasua 1936. Dokumentala. Produkzio laguntzaile.
- La Espera. Laburmetraia.Zuzendaritza eta produkzioa (1993)
- Crisis. Laburmetraia. Zuzendaritza (1993)
- Intsumisioa Sakanan. Dokumentala. Zuzendaritza, Produkzioa eta Muntaia. (1993)
- Bass O-Matic, Texas, Omar, Jesus and Mary Chain. Bideo klipen Produkzio Laguntzaile. Swivel Productions. Londres.(1992)
- Thirst. Laburmetraia. Lehenengo kamera laguntzailea.Panic Productions. Londres.(1992)
- The Artist. Laburmetraia. Lehenengo kamera laguntzailea. 20min. Swivel Productions. Londres.(1992)
- Kleptophilia. Laburmetraia. Lehenengo kamera laguntzailea (Arri 16 SRII). NFTS. Londres.(1991)
- Wistle. Laburmetraia. 20min. (Arri 16 SRII). Panic Productions. Londres.(1991)
Sariak
- La Llorona. Italiako Fasanoko zine festibalean saritua.(2004)
- Hyde&Jekyll laburmetraia. Irungo eta Valentziako zine festibaletan saritua..
- Zoroak dokumentala. Nafar Zuzendari Hoberenari saria, 97ko Nafar Bideo Jaialdian eta Dokumental Hoberena "99ko Ibizako Bideo Jaialdian"
- Londresko Eskaleak. Nafar Zuzendari Hoberena, 96ko Nafar Bideo Jaialdian saritua.
- La Espera laburmetraia. Lehenengo Saria. 94ko Ciudad Realgo Bideo Jaialdian
Erreferentziak
Kanpo estekak
Datuak: Q100706204
