Ziza Massika
Ziza Massika, Sakina Ziza benetako izena zuena[1] (Merouana, Batna, Aljeria, 1934ko urtarrilaren 28a - Colla, Aljeria, 1959ko abuztuaren 29a), aljeriar erizaina eta militante nazionalista izan zen, Aljeriako gerran nabarmendu zena.
Ziza Massika | |
---|---|
Bizitza | |
Jaiotza | Merouana (en) , 1934ko urtarrilaren 28a |
Herrialdea | Aljeria Frantsesa |
Heriotza | Collo (en) , 1959ko abuztuaren 29a (25 urte) |
Hezkuntza | |
Heziketa | Montpellierreko Unibertsitatea |
Jarduerak | |
Jarduerak | militarra eta erizaina |
Zerbitzu militarra | |
Gradua | sarjentu |
Parte hartutako gatazkak | Aljeriako Independentzia Gerra |
Biografia
Sakina Zizak bere jaioterrian, Batnan, egin zituen lehen mailako ikasketak. Horren ondoren, bigarren mailakoak egiten hasi zen Sétif-en, bertako Collège de jeunes filles-en (gaur eguneko Malika Gaïd lizeoa),[2] eta Batnan amaitu zituen 1953an[3], batxilergoa lortuta[4]. Horren ondoren, Frantziara joan zen 1955 arte, eta han goi-mailako ikasketak egin zituen Montpellierreko Unibertsitatean, bere neba Ayache Zizarekin batera.[3] Aljeriara itzuli zenean, irakasle aritu zen Merouanako ama-eskolan.
1956an, ikasle nazionalisten greba baino lehentxeago, Setif-en bat egin zuen ALN Armée de libération nationale erakundearekin (FLNren adar armatua), bere kide Mériem Bouatoura eta Leïla Bouchaoui-rekin batera.[5] ALNn erizain gisan jardun zuen, kaporal graduarekin hasieran eta gero sarjentu graduarekin. Collo eskualdera bidali zuten,[3] eta han Ammar Baazizen agindupean egon zen II. valierriaren 3. eskualdean. Azzouz Hamrouchi eta Abdelkader Bouchritekin, garai hartako lehen eta bigarren eskualdeetako osasun-arduradunekin, hurrenez hurren, lan egin zuen soinez soin, Lamine Kheneren agindupean, 1956tik 1958ra, eta Mohamed Toumi doktorearen agindupean, 1958tik 1962ra.[6]
Bonbardaketa batean hil zuten gerrillaren kontrako T-6 hegazkin batetik jaurtitako suziri batez[7], Colloren inguruan, bere ardurapean zuen ospitaletik gertu.[7]
Aljeriak independentzia lortu zuenean, Massikaren gorputza Belezmara eraman zuten Ali Ziza aitarenaren ondora.[7]
Esker onak
Haren omenez, Ziza Massika izena jarri zieten Merouanako lehen mailako eskola bati[8] eta ospitale bati[9]. Era berean, Aïn Naâdja ospitale militarreko mediku eta teknikari paramediko talde batek,[10] Aïn Djasser-eko daïrako finka autogestionatu batek eta Aïn Djasser hiriko urbanizazio batek ere bere izena daukate.[11]
Erreferentziak
- Artikulu hau, osorik edo zatiren batean, frantsesezko wikipediako «Ziza Massika» artikulutik itzulia izan da, 2023-03-29 data duen 202746685 bertsioa oinarritzat hartuta. Sartze-datarik ez duten erreferentziak, edo 2023-03-29 baino lehenago datatuak, jatorrizko artikulutik ekarri dira itzulpenarekin batera.
Bibliografia
- (Arabieraz) Ibrahim Ras Al Aïn - Du banc de l’école en Tunisie à l’épique de la révolution algérienne[Bibl. 1] (من مقعد الدراسة بتونس إلى ملحمة الثورة بالجزائر)
- Gilbert Meynier, Mohammed Harbi - Le FLN : Documents et histoire, 1954-1962 - 604. or., le Grand livre du mois, 2004, 898 or.. ISBN 2702895166
- René Fagnoni, Chronique des Aurès : recueil de poésies visuelles et autres senteurs, 31. or., Art Kange éditions 2005, 127 or. ISBN 9961961307
- Ali Kafi, Mémoires du président Ali Kafi : du militant politique au dirigeant militaire 1946-1962, 132. or., Casabah 1999, 416 or ISBN 9961643844
- (Arabieraz) Ali Kafi, Moudhakirat Er-raïs Ali Kafi min al-mounadil as-siyassi ila al-qaïd al-askari 1946-1962, 158-159. or., Dar El Casabah 1999, 448 or.