Pàrtaidh Nàsach

Nationalsozialistische Deutsche Arbeiterpartei Pàrtaidh Sòisealach Nàiseanta nan Luchd-obrach Gearmailteach
Fiosrachadh
Stèidheachadh	24 an Gearran 1920 gu 10 an Dàmhair 1945
Luchd-stèidheachaidh	Anton Drexler
Àite-Stèidheachaidh	München
Oifisean	Braunes Haus, Briennerstraße 45 München
Cathraiche	Anton Drexler (1920 - 1921) Adolf Hitler (1921 - 1945)
Suidheachain	1933: 288/674

B' e partaidh poileatagach às A' Ghearmailt a bha a' gabhail ri poilitigs faisisteach uabhasach fhèin cruaidh air an robh Sòisealas Nàiseanta air neo Nàsachd^[1] 's a bh' ann an Nationalsozialistische Deutsche Arbeiterpartei (Gàidhlig: Pàrtaidh Sòisealach Nàiseanta nan Luchd-obrach Gearmailteach, ainm gorid Pàrtaidh Nàsach, giorrachadh NSDAP). Chreideadh na Nàsaich cuideachd ann an Gràin-cinnidh, Ain-iùdhachd, Armailteachas, Thar-ghearmailteas agus Ain-Cho-mhaoineas. Chaidh am pàrtaidh a stèidheachadh ann am München air 24 an Gearran 1920 le Anton Drexler^[2] agus bha e air a sgaoileadh an dèidh a' Chogaidh air 10 an Dàmhair 1945. Theab Adolf Hitler agus Pàrtaidh Nàsach an Riaghaltas a ghabhail os làimh ann an 1923 ann an cur-fodha stàite air an robh an Hitlerputsch, nach robh soirbheachail a thaobh armachd ach a bha feumail dha a thaobh chleas-follaisidh leis gu do nochd an t-ideòlas Nàsach anns na meadhannan. Ann an Taghadh Nàiseanta ann an 1933, fhuair Pàrtaidh Nàsach 288 a-mach à 674 san Reichstag (pàrlamaid). Cha robh ach mu 60 buill a' phàirtidh ann an 1920 ach dh'fhàsadh a bhallrachd gu ruige mu 8.5 muillean ann an 1945.^[3]