Chile (pemento)
O chile[1][2] (do náhuatl chīlli) é a froita de plantas do xénero Capsicum, membros da familia das solanáceas.[3] As substancias que dan ós chiles o seu intenso sabor cando se consomen son as capsaicinas e outros elementos químicos relacionados, chamados colectivamente capsaicinoides.
Valor nutricional por 100 g | |
---|---|
Enerxía | 166 kJ (40 kcal) |
8.8 g | |
Azucres | 5.3 g |
Fibra alimentaria | 1.5 g |
0.4 g | |
1.9 g | |
Vitaminas | Cantidade %DV† |
Vitamina A equiv. | 6% 48 μg5% 534 μg |
Vitamina B6 | 39% 0.51 mg |
Vitamina C | 173% 144 mg |
Minerais | Cantidade %DV† |
Ferro | 8% 1 mg |
Magnesio | 6% 23 mg |
Potasio | 7% 322 mg |
Outros constituíntes | Cantidade |
Auga | 88 g |
Capsaicina | 0.01g – 6 g |
| |
†As porcentaxes son aproximadas empregando a recomendación de US para os adultos. Fonte: Base de datos USDA Nutrient |
O chile é orixinario de México.[4] Despois do intercambio colombiano, espalláronse os cultivos de chile por todo o mundo, e son empregados na gastronomía e na medicina. O chile foi levado até Asia polos navegantes portugueses durante o século XVI.
En todo o mundo, uns 3,8 million hectáreas de terra producen 33 millóns de toneladas de chile (datos de 2010). A India é o meirande produtor, consumidor e exportador mundial de chile.[5] O distrito de Guntur no estado indio de Andhra Pradesh produce o 30% de toda a India.[6] Andhra Pradesh é responsable do 75% das exportacións de chile da India.